麥當勞 (已搬遷) 新店位置

系又一城睇完戏，朋友话想食雪糕，于是去咗麦当劳。见到店入面poster,有个新款抹茶雪糕，个样几吸引，所以叫左一份，再加钱要多个件蓝莓芝士蛋糕。因为用点餐机点餐，所以可以揾个位坐，等人送过嚟。店员放低个餐嘅时候，O晒嘴，同poster个样差天共地，用个纸杯装住抹茶雪糕同oreo饼碎，一啲都唔吸引。雪糕完全食唔出抹茶味，同麦旋风差唔多。个件蓝莓芝士蛋糕都麻麻地，食两啖已经食唔落去。今次中晒伏，下次都系食返麦旋风好过。