Su Casa (已搬遷) 新店位置

一向好喜欢食sucasa，知道去左石门开店，梗系要去试一试！今次去带埋小朋友，因为听闻石门呢一间分店，有好抵又好食嘅儿童餐供应。坐低，首先俾小朋友拣咗去想拣嘅儿童餐先，佢拣咗粉红色嘅车仔，系炸鱼薯条餐。大人，梗系要食生蚝，同我至爱嘅Scampi啦！生蚝选左三款，都系店员介绍，店员介绍得好细心，仲会帮你计埋点叫抵，因为生蚝有买一送一，最后选左三款，有六只，再另叫白酒。生蚝有西班牙同法国蚝。肉质偏向爽口，唔算CREAMY。法国蚝充满海水味，非常新鲜。Scampi保持水准，虾肉鲜甜，林滑，弹牙，真系必食之选！香港来说，我暂时只系sucasa食过，唔知仲有边一间有供应呢。正餐嗌咗意大利饭同埋猪手。意大利饭煮得软硬度刚刚好，配上龙虾汁，非常嘢味同饱肚，明显用料充足，有好多芝士同海鲜。猪手份量好大，以二百零蚊呢个价钱来讲，非常抵食。特别想讲一讲儿童餐，呢个真系一个非一般嘅儿童餐，个Fish N‘ Chips非常好食，好有水准。炸鱼皮薄松脆，鱼肉林滑有肉汁，非常高嘅水准。最后，叫咗一个香桃雪芭成为甜品，非常好食。为我一家画上一个完美嘅句号！