飲茶 (朗豪坊) (已結業)

讲起饮茶, 好似向来只系上左年纪嘅人先钟意, 但呢间"饮茶"就够有创意, 等你睇得又食得, 唔止后生仔钟意, 连大人都话得意!但系朗豪呢间嘅环境真系唔太好, 隔离系food court, 只有一条扶手之类嘅隔住, 外面D铁板呀各种重味嘅食物味道飘晒过黎, 系有D攻鼻, 似系food court入面食咁。当然我平时都会食food court, 但如果入餐厅食就会想个环境好少少。只碗几有特色几靓, 好似有条鱼系度游紧水咁。呢个叫一笼八戒, 劲可爱, 其实系叉烧包, 食落又几好食!呢个真系流心架, 而且奶黄馅好香咸蛋味, 真系唔错。连个鸟笼都出埋, 真系要赞下佢嘅心思。佢实质上系凤梨酥, 味道其实系一般, 不过卖相加分。呢个近墨者黑真系够晒黑, 卖相黑得黎但唔靓, 食落又偏咸, 好失望。彩色虾饺睇落系几靓, 都够大只, 但味道一般。烧BB鸽系几好食, 不过比出面嘅BB鸽再BB d。呢度sell卖相, 大部分嘅点心又真系几靓嘅。不过味道属于正常但价钱偏贵, 其实真系试一餐半餐都够了。