影片
更多
2016-03-29
2505 浏览
本身自己住上水既，觉得呢区既饮食选择主要都系中式茶餐厅为主，有一日行过龙琛路，经过一间以前成日经过但系无点帮衬过既日本餐厅鱼匠料理，灵机一触不如一试，结果当晚就成为左呢间餐厅既座上客。餐厅门面有电视睇同板凳坐，让顾客等候个阵使用。都好贴心。同埋以布掩及木材装饰，好有日式本土餐厅既感觉。餐厅整体而言好似日式居酒屋既情调与格局，令顾客有身历其境既感觉。另外，餐厅虽然唔系好大但布局简洁，冇多余既物件同杂物，桌子上摆放既餐具都以简单为原则，令顾客可以享有最多既个人空间。加上餐厅整体上环境非常清洁，是一个非常适合食夜晚饭既地方。餐具：可以见到餐厅提供既用具都以简单为主。今次分别食左大虾天妇罗同埋蒲烧鳗鱼饭，首先讲大虾天妇罗先啦。呢份大虾天妇罗，金黄色既炸衣包含住鲜红既虾肉，看上去好有即叫即炸的感觉。 大虾天妇罗入口非常烫口，小弟估由制作完成至上菜时间应该都非常短（少过2分钟）。 从啲相可以见到，一碟总共有六只大虾天妇罗，大家分既话系可以足够三至四人食架 : 外层既炸衣松脆，入口松化又唔会油腻，食落去既感觉如饼干咁脆口 。虾肉鲜甜，唔会有油溢味同雪气味，炸衣包裹程度啱啱好，唔会将虾肉味道掩盖。 大
餐厅门面有电视睇同板凳坐，让顾客等候个阵使用。都好贴心。同埋以布掩及木材装饰，好有日式本土餐厅既感觉。餐厅整体而言好似日式居酒屋既情调与格局，令顾客有身历其境既感觉。另外，餐厅虽然唔系好大但布局简洁，冇多余既物件同杂物，桌子上摆放既餐具都以简单为原则，令顾客可以享有最多既个人空间。加上餐厅整体上环境非常清洁，是一个非常适合食夜晚饭既地方。
餐具：可以见到餐厅提供既用具都以简单为主。今次分别食左大虾天妇罗同埋蒲烧鳗鱼饭，首先讲大虾天妇罗先啦。
呢份大虾天妇罗，金黄色既炸衣包含住鲜红既虾肉，看上去好有即叫即炸的感觉。 大虾天妇罗入口非常烫口，小弟估由制作完成至上菜时间应该都非常短（少过2分钟）。 从啲相可以见到，一碟总共有六只大虾天妇罗，大家分既话系可以足够三至四人食架 : 外层既炸衣松脆，入口松化又唔会油腻，食落去既感觉如饼干咁脆口 。虾肉鲜甜，唔会有油溢味同雪气味，炸衣包裹程度啱啱好，唔会将虾肉味道掩盖。 大虾天妇罗呢款炸物都算份量充足，质素颇高，而且十分抵食。本身天妇罗既制作难度都几高既，炸衣份量，油炸时间需要配合得天衣无缝先可以保持外脆内软既口感，今次餐厅唔单只保持虾肉口感，而且外观整齐均衡，份量更加系前所未有既充足，同先前试过其他餐厅的天妇罗黎讲，根本无得比。
鳗鱼饭卖相精致，餐厅用上色彩缤纷既配料例如如海鲜同蛋丝炒饭，加埋沙律菜，令小弟食欲大增。佢既 份量充足，一个鳗鱼饭睇上去应该足够二至三个人食用。 鳗鱼入口嫩滑，冇煮过头肉质过老既感觉，烹煮时间都啱啱好。 鳗鱼经过蒲烧处理，充满炭烧风味，配合鳗鱼本身既味道，两者味道互相沟埋一齐提升左味道。 珍珠饭唔会过硬都唔会太糯，我估应该都系新鲜即日制作既产品。总括而言，鳗鱼饭同我想像中既份量更加多同充足，唔单只系珍珠米的份量非常多有诚两大碗饭，连鳗鱼亦比其他餐厅为大，同埋呢间餐厅制作呢个饭个阵时落左好多样料，例如蛋丝等，系其他上水既日本餐厅相对比较少见，可以讲系一种惊喜。今次小弟食到好饱好饱～～呢间餐厅食物份量咁足料，又高质，我估下次出街食饭都唔会愁无选择喇呱？
张贴
