影片
更多
2015-09-20
3405 浏览
之前嚟过几次，每次必叫咕噜肉，因为印象深深刻入我心咁滞，原因睇下我下面介绍就知。所以间中都会想专登入元朗食，但成日撞唔啱时间，因为佢某段日子只做盘菜。今日终于可以嚟到喇。大家要嚟的话，记得要喺朗屏站出，否则喺元朗站有排行，要行完整条大马路先到。环境街坊地茂小菜馆格局，有3张大枱、3张细枱，唔好expect坐得舒服。今日打嚟book枱，老板话唔驶book。佢无错，我地七点到，无咩人，仲俾我地坐大枱，其他枱都有坐人。有两部电视，可以边睇边食。食物明知呢度份量劲大，所以两个人只叫咕噜肉($75)、腐竹炆斑腩($80, 原本想要茄子炆仓鱼，但两种材料都卖完，所以老板娘提议其他组合，餐牌上无的都得，基本上正常小菜组合就得，例如鲩鱼、豆腐)，另叫一碗白饭、汽水。先嚟腐竹炆斑腩。份量好想像中多，斑腩有十件左右，每件大小有1.5只麻雀咁大，可以叫斑球，啖啖肉，不过咸左啲。腐竹份量都好多。食食下发觉有几件火腩，哈哈。之后就嚟至爱嘅咕噜肉，份量好多，堆喺嚟好似一座小山咁，老板娘话系即叫即炸，所以好新鲜热辣。印象中每件形状系大嘅乒乓球，今次食就唔系球状，系长方体，都大件。有少量青椒、菠萝、洋葱伴碟，同咕噜肉
之前嚟过几次，每次必叫咕噜肉，因为印象深深刻入我心咁滞，原因睇下我下面介绍就知。所以间中都会想专登入元朗食，但成日撞唔啱时间，因为佢某段日子只做盘菜。今日终于可以嚟到喇。大家要嚟的话，记得要喺朗屏站出，否则喺元朗站有排行，要行完整条大马路先到。
环境
街坊地茂小菜馆格局，有3张大枱、3张细枱，唔好expect坐得舒服。今日打嚟book枱，老板话唔驶book。佢无错，我地七点到，无咩人，仲俾我地坐大枱，其他枱都有坐人。有两部电视，可以边睇边食。
食物
明知呢度份量劲大，所以两个人只叫咕噜肉($75)、腐竹炆斑腩($80, 原本想要茄子炆仓鱼，但两种材料都卖完，所以老板娘提议其他组合，餐牌上无的都得，基本上正常小菜组合就得，例如鲩鱼、豆腐)，另叫一碗白饭、汽水。
先嚟腐竹炆斑腩。份量好想像中多，斑腩有十件左右，每件大小有1.5只麻雀咁大，可以叫斑球，啖啖肉，不过咸左啲。腐竹份量都好多。食食下发觉有几件火腩，哈哈。
之后就嚟至爱嘅咕噜肉，份量好多，堆喺嚟好似一座小山咁，老板娘话系即叫即炸，所以好新鲜热辣。印象中每件形状系大嘅乒乓球，今次食就唔系球状，系长方体，都大件。有少量青椒、菠萝、洋葱伴碟，同咕噜肉份量比例可以话系二比八，甚至一比九！每件肉都挂上甜酸汁，甜酸味刚刚好，外脆而内少淋带咬口，又系啖啖肉，真系大满足！
由于份量太多，我地食到饱仲有一半剩低，梗系打包啦，每碟竟然装满一个外卖盒！真系好好好抵食！
服务
老板娘好亲切，茄子炆仓鱼卖哂，就好热心提议，又话两个𩠌够哂。
张贴
