冬蔭公公 (已結業)

喺新城市食饭通常都要等位，但今次大约七点嚟到竟然仲有少量座位剩，好快就可以坐低食饭～呢度食物款式都几多，有饭有汤粉有薄饼，亦有唔少小食。我地就拣咗一个咖喱配薄饼同几样小食～叫咗个小冬荫公，味道好足！酸辣味浓，又唔会辣得攻鼻，而且够哂足料，有好几种菇同两只大虾！羊膝超大条！膻味唔劲，大大啖肉又唔韧，用薄饼点咖喱汁食够哂味～我地嫌薄饼唔够，之后再加咗个油葱饼，落咗超多葱，斋食或点咖喱都可。另有两样小食 — 鸡串烧同虾饼，串烧点嘅酱比一般沙茶酱有异，沙茶味浓但又带点甜；虾饼真系几弹牙，大大旧又多虾胶～芒果乳酸饮落好 fresh，甜甜的但又唔会觉得好溜，配食酸酸辣辣嘅食物就最啱！呢餐虽然只有一份主食，但因为嗌咗唔少小食，所以都食得好饱！