樂園魚旦專家 (協和街)

营业中

休息中

天气开始转凉，突然想食碗面暖暖肚。经过观塘见到乐园鱼旦专家，价钱合宜就入左去试试。铺头卫生环境唔错，见铺头附近都好多街坊帮衬。餐牌上大部分选择都是三十蚊左右，价值合理。今次我就叫左牛三宝面同崩沙牛腩河。先讲牛三宝面，有牛腩、牛筋及牛肚。每种类都有三旧，绝无偷工减料。牛腩炆得好淋，够入味。牛筋烟靭，有口感。牛肚爽口，唔痴牙。面既份量好足够，配搭芥兰够哂清新健康。崩沙牛腩河系铺头既招牌菜式，每旧牛腩唔会太厚又唔会太簿，有啲似半肥瘦既叉烧。河粉爽口弹牙。整体而言食物分量足够，价钱合理，职员态度亲切友善，值得一试再试。