影片
更多
2025-01-04
136 浏览
去完赤柱，座巴士出返市区，求奇喺市区落车揾食～筲箕湾，行咗个圈，拣咗呢间～Double K kitchen几块睇到眼花嘅Menu 拣咗原只乜国咸猪手配薯菜，同香煎美国西冷（黑椒汁），一样系薯菜，加配为套餐一个要加$20～有一块法包，沙律菜，餐汤同餐饮，当然冻饮又要加$3，另一个转套餐加$15，小咗沙律菜，所以平咗$5又系抱歉，个包我咬咗啖至影，讲返啲嘢食，真系好少见罗宋汤会咁嘅味～蕃茄水，大家明㗎啦！包同沙律ok!首先你真系西餐厅，我哋叫牛扒，通常都会问几成熟，呢度要用apps落单，入面系无得选择几成熟，真系无留意到呢点，点知道块扒系well done,韧到呢⋯⋯但系友人果块都系我落单，都系无选择几成熟，但入面又竟然系「粉红色」，虽然系粉红色但都系小小韧，反而配菜～都唔知叫佢薯仔定薯角好，就大大旧，几好食，补充一点，佢话就话香煎，但块扒感觉系炸 ！原只咸猪手，食过咁多间咸猪手，都未见过佢哋切开三件会又完全唔同色，同咁嘅型态，真系首见。我都醒，见到炸到油淰淰，食咗右手面件干噌噌嘅肉试吓先，等佢收返啲「油」至试佢层皮，果旧「肉干」真系唔使讲你哋睇见都幻想到会系咩口感，跟著食返啲主食，啲皮不
几块睇到眼花嘅Menu 拣咗原只乜国咸猪手配薯菜，同香煎美国西冷（黑椒汁），一样系薯菜，加配为套餐一个要加$20～有一块法包，沙律菜，餐汤同餐饮，当然冻饮又要加$3，另一个转套餐加$15，小咗沙律菜，所以平咗$5
又系抱歉，个包我咬咗啖至影，讲返啲嘢食，真系好少见罗宋汤会咁嘅味～蕃茄水，大家明㗎啦！包同沙律ok!
首先你真系西餐厅，我哋叫牛扒，通常都会问几成熟，呢度要用apps落单，入面系无得选择几成熟，真系无留意到呢点，点知道块扒系well done,韧到呢⋯⋯但系友人果块都系我落单，都系无选择几成熟，但入面又竟然系「粉红色」，虽然系粉红色但都系小小韧，反而配菜～都唔知叫佢薯仔定薯角好，就大大旧，几好食，补充一点，佢话就话香煎，但块扒感觉系炸 ！
原只咸猪手，食过咁多间咸猪手，都未见过佢哋切开三件会又完全唔同色，同咁嘅型态，真系首见。我都醒，见到炸到油淰淰，食咗右手面件干噌噌嘅肉试吓先，等佢收返啲「油」至试佢层皮，果旧「肉干」真系唔使讲你哋睇见都幻想到会系咩口感，跟著食返啲主食，啲皮不但唔脆，仲「油淋淋」，啲肉真系唔知点讲，「硬」同「鞋」就一定～无乜味～真系唔知点食，果三旧，我食咗右手边，中间俾友人，左手边，唔信邪，咬下啲皮，睇吓脆唔脆同砌多一旧食就算。最后讲埋杯冻咖啡，系同碗汤一样～啖而无味，真系唔知点解，今时今日杯冻啡可以系咁？
咁好老实，佢哋份「西冷」系大块嘅，摆碟都算系咁，但其他嘢就有好大嘅空间去改进。
回头度：2/10
如果无乜选择，又或者无要求食饱就得，咁可以嚟呢度。
张贴
