梁記餃子麵坊 (已結業)

好耐无入元朗，基本上一年先入一两次，入元朗揾食之前当然要做下功课啦，老婆话想食饺子，今次去咗友人介既梁记饺子面坊。人生路不熟都要揾左一阵，门口冇乜人，有少少伏，因为谂住午饭时间会排长龙，入到去先有一半满。坐低睇下个餐牌，选择唔多但系饺子几特别，用青瓜沙角青椒南瓜等等嚟做做饺子，出面比较少见，于是就拣左 一个鲜菇青椒饺子并鱼肉云吞净食，加杯香菊蜜同一个酥炸鲮鱼球。香菊蜜先嚟，大大杯冇乜特别，有啲淡口，好在唔甜，有好淡口嘅菊花香，杯野都系加四蚊，所以唔要求。饺子呢，鱼肉云吞其实即系鲮鱼肉用云吞皮包住，其实冇乜特别，不过佢个鱼肉打得弹呀，味道亦好。个鲜菇青椒饺子，青椒感觉上煮耐咗好淋，佢啲鲜菇都唔会有好香嘅菇味，组合特别唔难食，但系都唔算好好食。反而个汤底，有好重嘅胡椒味，对唔食辣既我黎讲好辣，但系好香。不过个汤底嘅辣味都盖过咗啲饺子味。反而要推介嘅系佢嘅酥炸鲮鱼球，粒粒都好大粒，而且味道较得好，配料用量恰到好处，好好味。 外面 炸到香口而烟韧 ，入面啲鱼肉都好弹牙。佢仲有好多饺子可以试，不过已经好饱，净系食两三粒鲮鱼球都已经系够一餐有余。走之前座位爆满，原来系我早左者。