梁記餃子麵坊

营业中

休息中

作為一個芫荽控梗係要訂下啦今次我食嘅係北京香菜餃子今次第一次試食呢間良記餃子坊，好多人都話佢係元朗名物，入到去個個都係食緊餃子炸豬扒同埋生炸雞翼，今次我去到就試咗佢哋嘅香菜雲吞，香菜就係芫荽加芽菜配豬肉。今次試咗食落去嘅時候個雲吞餡係好結實，最重要係個湯底好好味，因為個湯底有冬瓜味，湯頭好甜💯🔥💫我無加菜脯同調味料都幾好食，不過如果豬肉再Juicy 下次要試下個生炸雞翼同豬扒🍻

見到YouTuber 介紹呢間打算入去食野 一坐低 仲望緊餐牌 個員工已經企係我哋面前問食咩啊 問左三次 都無叫佢黎落單就催我地落單 到我地講食咩 佢又邊同人傾計 我地講左兩次食咩 都聽唔到 佢又俾面色我地睇 之後 見到咁 都5想食 催客人落單 自己又5專心聽 仲要臭臉 未食都一肚氣 。。。

40幾蚊一大碗韭菜餃上海面，份量好多，餃子好新鮮，皮薄多汁又大大粒！！食呢碗上海面簡直係種享受😌朋友就試左豬扒雲吞米，豬扒炸得鬆化，雲吞成粒乒乓波咁大粒。兩個人食加埋汽水$100蚊都唔使。重點推介店內南瓜豬肉餃子，炸豬扒，鮮蝦雲吞🌟好似梁記呢D有質素又平嘅小店已經唔多，真係要好好珍惜

叫咗南瓜餃同香菜餃，炸豬扒同雞翼米粉，啲餃子個味一般，但成粒餃就包得好散，個皮包唔實啲饀，一夾就皮饀分離，豬扒味道可以，但剪開再炸，有啲乾，炸雞翼唔入味，個米粉就普通米粉，湯底都係冇咩味，呀姐態度超差，同枱一行3人食，有人食得快啲有人食得慢啲，呀姐竟然要我地食完嘅朋友出去等，因為佢有客喺出面排隊，態度仲要好差，我地聽到都呆咗，咁都得，咁做生意！？今次咁嘅體驗我以後都唔會再去食，仲要唔係話真係咁好食

元朗梁記餃子麵坊位於元朗廣場巴士站附迎，性價比勁高，餃子大大粒真材實料🥟 星期六中午時間去到，要掛2-3張枱，不過都唔係等左好耐。📌皇牌套餐A: 酸辣豬扒米線 $48 🥩 加任何食品加$3 (小食除外)大堆叫呢個皇牌套餐A，然後再另加$3 餃子 (有3粒)，就可以食齊最受歡迎嘅炸豬扒同餃子😍 跟餐仲會送一杯凍豆漿或菊花蜜。豬扒同酸辣都建議可以叫店員另上，店員會另外比一碟仔辣酸菜，可以因自己口味食先加。豬扒份量勁多，炸得好酥脆香口😋🥟菜甫沙葛餃子必食! 其他餃子舗好少有，菜甫同沙葛食落好爽口，帶少少清甜🥟甜美白菜餃子🥟甜美韭菜餃子呢2款餃子有少少似，白菜餃子有少少麻油香，味道會比較突出推介指數：😈😈😈😈😈（5😈為滿分）

梁記餃子麵坊是元朗區有歷史的麵食店，可以從店舖的裝修得知。麵坊主要售賣的是自家製的鮮餃子，選擇非常多，分為豬肉、牛肉及雞肉三種餡料，再配搭不同的蔬菜，如白菜、香菜、蘿蔔、韭菜、南瓜、青瓜、蕃茄、鮮菇、青椒等，口味非常豐富。餃子份量十足，像一個小拳頭般，如果你有選擇困難症，那「淨食什錦餃子八隻」一定可以幫到你，一碗就可以嘗試到不同的餃子，如果是大胃王的話，更可加粉麵，50元便可以食得非常飽飽。除了餃子外，麵坊更有雲吞、鯪魚球、排骨等食品供應，值得一提的是雲吞，有「無肉」（全蝦雲吞）和「少肉」（鮮蝦雲吞）選擇，如果你不吃豬肉的，亦可以食雲吞。至於飲品方面，值得推介的是豆漿，豆味濃郁，甜度適中。

哩間餃子店無論食物、衛生或服務態度都比以前差很多！餃子冇鮮味又散，炸鯪魚球又燶又皺，店內好多蒼蠅飛來飛去，一邊食一邊趕蒼蠅，一唔留神就降落到鯪魚球上面，叫人點食？店內有兩位亞姐態度都唔太好，問佢哋嘢就拉長把聲又大大聲咁答，好唔耐煩咁？黎幫襯你食碗麵啫，你估你主場大晒咩？咪以後唔會再幫襯囉！

豬扒必食！真心勁推薦，佢唔係好厚炸粉，而係好酥化既感覺黎，最好叫佢另上，因為浸落湯係無咁香酥清湯米線就淡淡地既湯底，大家可以試辣味就惹味d全蝦雲吞超好食，係真蝦唔係急凍蝦黎，必叫中意既可以加小食，炸雞翼都正什錦水餃就試到好多款既味，但個人認為ok，雖然係大件同足料既，係比較健康既感覺，皮唔會過厚，但就比較下，豬扒同雲吞更好食！間店好多人，都要等位，但上菜都快，豆漿唔錯，但天氣熱去食就真係辛苦dd，因為無咩冷氣，出哂汗

呢個地方有點難搵，我哋到走一段路先搵到🧐🧐。 坐下後發現人手唔多，只有一個樓面侍應，如果要點餐嘅話需要耐心等待😛。 我哋點了雙併甜美白菜餃子同清甜蘿蔔餃子，仲有另外一個炸豬扒，再加上杯凍豆漿。⭐️ 甜美白菜餃子同清甜蘿蔔餃子 (雙併) $43雙併白菜同蘿蔔餃上嚟時，我哋睇到每個餃子都好大🤩🤩，比外面食到嘅要大兩倍。 白菜餃有着鮮甜嘅味道，白菜嘅份量好多😆。 蘿蔔餃則係豬肉同蘿蔔結合而成，蘿蔔有着嚼勁，咬落去蘿蔔嘅汁液都被吸收晒，非常滿足😍😍。 湯嘅味道都好清甜，非常配餃子🤭🤭。⭐️ 炸豬扒 $56炸豬扒嘅份量好大，成嚿嘅豬扒😚😚。 炸得均勻，並無厚厚嘅炸粉層😎。 它被切成小塊，我哋好快咁一啖接一啖食完🤪🤪。 豬肉嘅味道好好，幾乎每個枱都有啲豬扒。⭐️ 凍豆漿 $4凍豆漿則是正常的口感，不甜，卻有濃郁的豆味😄😄。🎈 我哋睇到其他人都點了一份淨雜感餃子，有八個🤭。 每個餃子都好大，七彩繽紛。 如果你想一次嘗試到各種口味，可以試試呢個😄。🍄 總括而言整體而言，道菜非常美味，內餡好豐富👍🏻😋。 整體味道清甜，不過度鹹，食完之後唔會口渴想飲水。 炸豬扒係必點嘅🤭。📍 梁記餃子麵坊元朗安寧路93-109

我同小絲都有相同喜好，就是愛吃水餃。出名的，好吃的，大部份都已試過。而這間位於元朗的梁記餃子麵坊竟走漏了眼，那要去試一試啦。吃完這間食店，實在是打破了我對水餃的認知。但人們牌子都寫餃子，不是水餃實在不能怪人。我同小絲假日的傍晚6點到來，已有7成滿客人，很快點了食物，食物很快到。我點了最基本的酸辣韭菜餃上海麵。一來到，眼有點突了出來，這個是我點的酸辣韭菜餃上海麵！？湯不是紅色酸辣湯，喝一口又沒有酸辣味，辣味是有的，就是來自上面的菜甫。餃子有2隻穿了皮，餃子皮像雲吞皮，沒有煙韌的口感。不過味道都算不錯，而且都飽滿的，如果沒有穿皮，現在就像一個韭菜肉球。上海麵就真心失望，滾到麵很肥大，沒有了口感，像狗仔粉。小絲點的是雜錦餃子，餃子看上去比較完整，小絲説味道都可以。我們人均$43。都吃得飽，所以都算平。我們走的時候，這店已爆場，客人是來吃味道還是摼錢，實在想不透。神級無味食評師-阿偉

. ⭐️元朗人氣餃子店 皇牌豬扒同南瓜餃子 大推！！🐷皇牌套餐A💓酸辣豬扒米線/手工麵$46 + $3任可小食 (可加3隻自選餃子或其他小食)識叫一定係呢個餐🔥 $50有找可以有齊豬扒、餃子、麵食、野飲🫶🏻出面食米線都唔止啦😂🥬秘製酸菜好開胃、主要係酸辣湯既味道來源😃豬扒可叫另上避免浸淋哂、不過小淋咁食都OK! 有小小酥炸feel 😍豬扒幾厚身又唔靭👍🏻🎃我多數南瓜餃子🥟 唔係四圍有同暫時覺得佢呢間最好食🥰次選係沙葛餃 好爽口🥹餃子係新鮮既🍀都算大隻、不過餃子皮有啲鬆散唔係實的的果隻😵🍜米線有啲淋同易斷😵‍💫上海麵比較好😊🥛飲品可揀凍豆漿或菊花蜜🤗好消暑！呢間好多人排隊架🌝帶定風扇仔啦！🌿——————————————-梁記餃子麵坊📍 元朗安寧路93-109號富祥樓地下1號舖📆星期一至日：11:00~22:30 (逢星期三休息)#hkfoodstep #hkfoodstep元朗 #yummy #hkfood #hkfoodie #hkcouple #元朗美食 #餃子控 #香港餃子 #hkfoodstep餃子

梁記餃子麵坊 Leung Kee Noodles📍元朗安寧路93-109號富祥樓地下1號舖由好細個開始已經有食開梁記，唔知由幾時開始佢就變咗一間排隊店，甚至人氣高企到九龍同香港島嘅人都要專程入嚟元朗國排隊食。唔知係咪因為呢個原因，令到佢近年嘅水準都有所下降呢？感覺上最近幾次去食都無以前咁好食，加上每次都要排隊同搭檯都令我有少少卻步。平心而論，佢嘅餃子的確有好多種款式，炸物亦有一定水平，希望佢可以調整下出品嘅質量，保住街坊同舊客仔嘅同時，為其他區嘅食客帶嚟正面嘅用餐體驗！ 💰$44我同朋友叫咗一樣款式嘅兩餸拼粉麵，都係韮菜餃豬扒米線。米線有比以前進步，換咗呢種較幼身嘅米線，唔會好似以前咁發漲同碎晒。豬扒亦keep到一貫水準，炸得香脆之餘，調味亦好合我口味，但分量比較少，呢一杯係我哋兩碗合共嘅分量，有少少唔夠喉。估唔到反而最受歡迎嘅餃子會最唔得我歡心，韮菜同豬肉嘅比例平均，味道亦幾好，而且每隻都大過隻匙羹，不過餃皮好厚，食落好粉，感覺成隻餃都軟Pat Pat，口感唔太討好。話雖如此，呢個價錢食到雙拼麵食其實已經好平，只係可能同以前嘅水準差得有啲遠，所以呢幾次食都有少少失望，希望佢哋真係可以

星期日放假，同家人差唔多下午2點外出，先到元朗廣場附近食飯，然後再去補充日用品。已經過咗午飯時間，所以無需排隊就有位。天氣好熱，同家人諗住食麵會開胃啲，所以決定幫襯梁記。過往都有幫襯過梁記，主要係外賣。家人叫咗豬扒米線加凍豆漿，豬扒肉並算多，反而粉就較多，不過豬扒係好味。我就叫咗韭菜豬肉餃上海麵，餃子都算大粒，味道亦OK，上海麵亦算彈牙。另外叫咗個炸鯪魚球，魚肉新鮮口感煙韌，唔錯。凍豆漿有微微豆香，感覺香滑。

尋晚同小朋友去完玩…唸住係屋企附近食啲野。就揀左呢到食。點左三個豬扒面，本身都有食開，知道會幫我地件豬扒碎上，但個女都係食吾到，，我地又吾記得帶剪刀。之後問老闆借，佢就行左入厨房，點知佢好好人，開頭以為佢只係借把剪刀比我地，原來佢私人剪多半塊比我個女，真係沒試過😅😅真係要寫人生第一個po讚佢佢呢到性價比好高，，每樣都大大粒，大大份。特別係云吞同豬扒，，超正。一定要試双拼都係四十幾蚊，而家真係無乜地方做到呢個價錢，難怪次次黎都要排隊

之前試過外賣豬扒韭菜餃米線，但冇俾到豬扒，錢就收咗，我已經好嬲，冇去幫襯一段時間。最近間中都有去返，點知外賣又中伏！我在一點左右電話叫咗一個餐，另外再叫一個韭菜餃米線加麻辣，外賣自取。其實電話講嘅時候，聽電話嘅男人已經聽錯，於是我重覆多一次，但聽電話嘅人真係好急，我想問佢幾多錢時，佢已經好快收我線。最後攞外賣時對餐，真係錯咗！韭菜餃加麻辣，冇咗米線，我問佢應該有米線的，佢就大大聲話之前對咗單喎！我係唔鍾意同人嘈嘅，所以算啦，今次真係最後一次，冇下次了！