口甜舌滑 (已結業)

九龙城系一个美食天堂，对于某几种类来说，更加系集中地，例如：泰国菜、潮州菜同火㶽等等，而相对地每种菜式都各有佢地既特式，可能因为多野食既关系，香港人对甜品更加系爱不释手，甜品舖都越开越多，差不多每条街都有一间。而今次这间都算系区内既表表者，不知渡过了多少个年头，仍然努力经营。呢个甜品舖以前都几有名，好多日本杂志都介绍过，由其是佢地既杨枝甘露，大件夹好食，味道仲几好添，十几蚊一碗，用料一D都唔马虎，泰国金柚，香甜芒果，椰味重既椰汁，加上超级冰冻，夏天食真系一流，如果嫌细碗唔够喉，不妨来一个大碗装，成个汤碗咁大，食完都饱到上心口。另外，芒果布甸有别于一般许留山既出品，因为布甸呈半透明，十分好味，而且芒果肉超甜，虽然比杨枝甘露细碗，不过胜在饭后甜品，只宜浅尝，不宜过量。每逢九点后，慢慢开始热闹，有时可能仲要坐街边，遇著落雨，更加有”风”味添。哈哈！更多资料：http://hk.myblog.yahoo.com/zysk-c/article?mid=981