馬六

营业中

休息中

我钟意食星马泰等东南亚美食，之前经过马六，都已经想试下。今晚冇煮饭，就同囡囡去马六嘅北角分店。因为我哋早食饭，所以仲系下午茶餐牌，价钱好抵。叫咗一个鸡丝扎肉汤金边粉，同肉骨茶配油饭。虽然系下午茶餐，但系份量超多，而且套餐仲包嘢饮，冻饮加三蚊。另外可以追加小食，价钱都好抵，我哋就点左柚子沙律，班兰糕，同埋萝卜饼。鸡丝扎肉汤粉嘅鸡丝系海南鸡，好嫩滑，汤粉好大碗。肉骨茶口味正宗，里面嘅排骨都好食，唔会鞋，油饭好香有鸡油味。萝卜饼炸得香脆，柚子沙律有少少辣，酸酸甜甜几开胃。最后食埋班兰糕真系超级饱，但系埋单都系百几蚊，抵食呀！