合豐車仔麵

营业中

休息中

望住咁多嘢食，你以為會好貴？但係其實埋單都係$100鬆啲，兩個人完全食唔晒，分咗兩餐食。.今次叫咗2個兩餸車仔麵+2個雙拼小食。第一個要咗幼麵加腩汁配牛肚&冬菇+口水雞&大王豬排。第二個要咗油麵加辣汁配雞翼尖&雞腎+麻辣豬耳&蔥油雞扒。係咪見到都覺得好多餸，前前後後變咗做8餸🥳 .講返啲嘢食嘅味道，蔥油雞扒炸得香脆，反而豬扒都好食嘅，不過冇雞扒咁驚喜。口水雞味道唔錯，但可以再辣啲，麻辣豬耳就夠晒味。.至於車仔麵嗰幾個餸就係滷水味，正正常常不過不失，份量亦都非常多勁抵食，以後諗到唔知食咩都可以幫襯下。