合豐車仔麵

营业中

休息中

雖然舖頭名叫車仔麵，但係佢哋唔係淨係得車仔麵食㗎～仲有好多好抵食嘅客飯Set💗➼ 口水雞飯 ✅口水雞舊舊都啖啖肉！仲有蒜泥喺面，鍾意重口味嘅話一定會覺得好食👍🏻 不過可以再辣啲啲🤏🏻食到底啲油有啲多，要搵啲白飯印一印😂➼ 麻辣香鍋飯（雙拼）✅麻辣香鍋可以揀單拼或雙拼，豬牛雞都有～幾十蚊一個飯Set嚟講佢哋好足料！除咗見到有辣椒，仲見到有花椒粒，食落真係有麻辣Feel唔係得個名👍🏻 就連啲配料蓮藕片都好脆口好好食！勁好送飯💗

睇到呢間舖頭之前嘅食評以為呢度啲牛腩唔錯，於是落單時候都有特登叫；另外就睇到有人話呢間車仔麵有柚皮，實在非常難得因為上館子吃柚皮都不會太便宜，功夫甚多。於是落單的時候，店員卻說沽清，定還是根本一早都沒有呢？另外落單的時候我說要多荵，得到的回覆竟然是「我們沒有荵」。車仔麵店竟然說沒有荵，簡直是貽笑大方，其實當時就應該立刻把單撤回，然之後轉場。算吧，反正出邊又再次下起幾百年一遇的大雨，好好醜醜都當一餐，後來又見唔到落單的單張以及現場很多人都是吃碟頭粉麵飯，你就知道它不是車仔麵專門店，只是普通港式茶餐廳。油麵的份量尚算不小，腩肉都算有啲誠意，不過味道只是普普通通，帶點鹹味，不覺得有什麼滷水味很香，只是薄薄地，凍肉舖那些薄片豬腩肉。睇到上面其他食評的牛腩，又爽又不太會痴牙。點知來到的，竟然是我最討厭那種正方形的柱侯牛腩，雖然大件呈丁方形，不過就是極之痴牙那一種材質，結果食完之後，花費了15分鐘才能把黐牙全部撩出。吃過高山劇場對面那間綱記之後，你就發個酸齋原來可以那麼好味，上次剛給的店員還告訴它們用甚麽來做酸齋的甜味，細緻又有誠意；而這兒的酸齋，只有顏色就不在話下，而且統統都放在湯內，更加欠缺誠

今日又嚟咗土瓜灣搵朋友食飯，叫佢帶我去食土瓜灣嘅抵食車仔面。朋友話呢到幾好但份量偏少，所以我叫咗四餸一麵，個麵仲要加咗底，都係$56喳，價錢都夠哂親民👍🏻另外見到呢到仲有唔同種類嘅客飯，有機會一定要試下😜牛丸+蘿蔔 +魚肉春卷+瑞士雞中翼+油麵加底配腩汁💰HK$56牛丸：普普通通，不過不失～蘿蔔：夠清甜，但可以再煮淋多少少🤏🏻魚肉春卷：口感偏淋，唔夠彈牙，但味道ok瑞士雞中翼：雞翼醃到好入味，啲骨好易甩出嚟。而且有啲瑞士汁去咗個湯到，將碗麵嘅湯變到甜甜地😜佢仲有好多其他餸可以簡，下次再試下其他餸先～

望住咁多嘢食，你以為會好貴？但係其實埋單都係$100鬆啲，兩個人完全食唔晒，分咗兩餐食。.今次叫咗2個兩餸車仔麵+2個雙拼小食。第一個要咗幼麵加腩汁配牛肚&冬菇+口水雞&大王豬排。第二個要咗油麵加辣汁配雞翼尖&雞腎+麻辣豬耳&蔥油雞扒。係咪見到都覺得好多餸，前前後後變咗做8餸🥳 .講返啲嘢食嘅味道，蔥油雞扒炸得香脆，反而豬扒都好食嘅，不過冇雞扒咁驚喜。口水雞味道唔錯，但可以再辣啲，麻辣豬耳就夠晒味。.至於車仔麵嗰幾個餸就係滷水味，正正常常不過不失，份量亦都非常多勁抵食，以後諗到唔知食咩都可以幫襯下。

ok,而家加左價，但啲麵特別少，就算加左8元加底都偏少，得一主仔，墨魚丸，花枝丸人地有3粒，佢得兩粒，就算4樣餸都係好細碗，食唔飽，唔太餓就無問題，只可當下午茶

今次又黎土瓜灣搵嘢食啦！！合豐車仔麵前身位於旺角開咗20幾年老字號車仔麵搬咗過嚟土瓜灣簡直係土瓜灣街坊因物👍🏻下午茶$28車仔麵 兩個餸 送嘢飲真係抵到爛呢個價錢仲喺邊度搵到😚😚👍🏻餐廳老闆好好人 同佢傾咗一陣計Feel佢好有人情味☺️個人最鍾意食傳統小食 小店 老字號不過土瓜灣紅磡呢區最近幾年好多舊樓遷拆好多以往舊有小食店都所剩無己趁仲有得食就好快啲去啦🥺遲啲拆晒 新樓落成 又得返Cafe或者連鎖式經營餐廳😮‍💨

下午茶時間急急腳要喺土瓜灣醫肚喺大街經過見呢間餐廳都算幾乾淨整潔而且價錢好平！兩餸車仔麵都唔使$30 🤔🤔好，食左先講本身都諗住嗌車仔麵，因為貪心，夠多選擇呀嘛😄😄原來佢地都有唔少客飯選擇，仲要係小炒菜式，唔係頹飯！有青椒肉絲飯，麻婆豆腐飯，回鍋肉飯等等，好吸引！土豆肉絲飯份量超多！好抵！好彩叫咗少飯，淨係食薯仔同埋肉絲，已經非常滿足。薯仔絲爽脆，肉絲好多，唔算多肥肉，味道都幾惹味👍🏼👍🏼雙拼小食：韭菜豬紅+口水雞跟餐叫依個雙拼，都唔使$40 ！令到成餐飯超豐富😎😎朋友戒澱粉質，真係好啱佢，口水雞啖啖肉，仲要有超級多蒜頭，夠晒惹味！辣油又香！韭菜豬紅賣相都唔錯，我試咗條韭菜，清甜👍🏼車仔麵選擇非常多，最特別嘅係有柚皮，依d功夫嘢，出面已經好少食到喇。柚皮吸晒啲湯汁，好食，冇苦澀味👍🏼值得一讚嘅係咖喱魷魚非常入味！我見佢哋好用心，將啲魷魚𠝹晒花，唔怪得知咁入味啦！估唔到一間小店，已經係平，仲要咁用心去處理食材，佩服！

今日游走土瓜灣區新舊匯集很有特色民化和美食，所以要捐窿捐罉就可以尋覓懷舊美食，而且價錢又大眾化，我左捐右捐在土瓜灣有懷舊美食(合豐車仔麵)😋😋簡單裝潢，地方整潔，座位寬敞，非常悠閒享受美食。車仔麵+配料選擇多蘿蘿，客飯也數不盡款式1.油麵+柚皮+冬菇+瑞士雞翼+牛腩~柚皮沒有苦澀味👍👍，瑞士雞翼皮滑肉嫩好sweet😋😋，牛腩軟身有一點口感，冬菇味濃郁軟腍入味。2.四川回鍋肉飯+飲品($45💰)青紅尖椒+椰菜+肥瘦相間五花肉口感味獨特，色澤紅亮，油而不膩😋😋😋3.小食~麻辣牛肚~牛肚煙韌，麻辣味十足，惹味有好食口水雞~皮爽肉嫩好juicy👍👍韭菜豬紅~濃濃醬汁滲入一磚磚軟腍豬紅好滋味咖喱鱿魚~咖喱魷魚爽脆入味咖喱魷魚都是50和6 0年代的街頭小吃小店還有下午茶14:30時段:一麵兩餸$28送冷熱飲品，嘩.......抵👍👍

牛肚好似像肋咁，小食得過表面，食落咬不到到，太表面，接受唔到，呃食客，差，差，差，差，差，差，呃街坊錢，食物質素勁差太草率，土瓜灣大把野食，不會選他，今日食麻辣豬耳食到我牙痛不敢再買失望

#土瓜灣美食識食一定係捐窿捐罅先有美食，最近啲車仔面真係開到周圍都係，但好食既真係唔多🥹身為土友，經常係附近解決個胃🤣午餐時間見到呢間新開鋪頭都幾多人食，除咗食車仔面，仲有經濟客飯，啱曬打工仔、學生哥。嗌左 #尖椒雞柳飯，好有川味feel，份量好足，仲跟埋飲品，先$45🤩我就嗌左 #小辣撈幼面，結果一啲都唔小辣🤣係爆辣囉！定係我食辣退步左，但整體味道都唔錯，好特別，#豬耳 炆得好冧好入味 #花枝丸 係炸過，所以表面係少少脆口，個 #魷魚🦑 值得推介 ，好爽口又入味，一啲都唔Hea！小食有炸雞翼同炸魚餅，可以雙拼真係超好，啱曬我呢啲眼闊肚窄嘅人，一次過滿足我兩個願望。滿足的午餐🥣經過歡迎大家食下~

星期六同朋友係馬道圍道銀行辦完事後，在附近呢間車仔麵覓食，除咗車仔麵外，仲有客飯食。我點蘿蔔、冬菇、牛肚、牛柏葉、魷魚米粉麻辣小辣：蘿蔔切得剛好，方便一口咬食，炆得入味非常清甜沒有渣，俾左一件朋友食都讚不絕口，話有鄉下風味。蠔油冬菇都炆得入味好好食，係我鐘意食細細粒冬菇。朋友點酸菜魚飯$45：之前食開酸菜魚都係黃綠色湯底，呢碗帶點橙紅色，應該係加左蕃茄落去增添酸甜味，加上芫茜辣辣，湯底酸辣開胃！魚片份量不少，沒有骨，肉質嫰滑。麻辣豬腸+韮菜豬紅雙拼：豬腸肥美，中間保持白色脂肪。豬紅軟腍，韮菜新鮮。蠔油生菜$15：嫰綠爽口麻辣牛肚+咖喱魷魚雙拼：見牛肚同魷魚都幾好食，於是叫碟雙拼俾朋友食下。牛肚有嚼口，咖喱魷魚彈牙入味。朋友點凍咖啡夠醒神，我點凍奶茶香滑甜度適中。