影片
更多
2017-04-26
871 浏览
屋企附近最近新开左呢间外卖店, 有中式蒸包蒸饭丶蒸炸点心呢啲嘢卖. 开张以来每日都人山人海. 我就好钟意食点心嘅, 特别系炸嘢. 之前我系啲旧区街市, 好似北角同深水埗等, 都见过一啲差唔多模式嘅舖头. 无奈我唔系住𠮶啲地区, 舖头无位坐低食, 拎住成盒企街食好似好奇怪, 买返屋企又已经冻冰冰. 所以次次都得个望字. 自从呢间舖开张后, 唔够两个星期我已经帮衬左四次, 成为咗我嘅新 favorite. 蒸炸点心$14一盒, $26两盒. 一份有四粒. 可以话大件夹抵食. 仲要整体来讲质数都唔错. 我已经试过炸虾角,烧卖,炸春卷,炸什菓沙律卷,煎莲藕饼,粉果,蒸鸡饭,糯米鸡,炒糯米饭. 全部味道方面都几好, 料就系将就返㗎喇. 例如炸虾角同烧卖都系无乜虾多猪肉, 春卷入面就都系芋头丝. 但奇在唔太影响味道㖞, 我觉得系好食嘅. 糯米饭都有唔少腊肠碎. 我觉得一分钱一分货, 间嘢都算几有良心喇. 我仲未试啲中式蒸包,好似好多老人家买. 日日有唔同款做 promo, 十蚊三四个咁. 我就好悲观嘅, 惊迟下会变质所以依家猛帮趁. 希望迟啲质素唔会下降或者加价啦!
我就好钟意食点心嘅, 特别系炸嘢. 之前我系啲旧区街市, 好似北角同深水埗等, 都见过一啲差唔多模式嘅舖头. 无奈我唔系住𠮶啲地区, 舖头无位坐低食, 拎住成盒企街食好似好奇怪, 买返屋企又已经冻冰冰. 所以次次都得个望字.
自从呢间舖开张后, 唔够两个星期我已经帮衬左四次, 成为咗我嘅新 favorite.
蒸炸点心$14一盒, $26两盒. 一份有四粒. 可以话大件夹抵食. 仲要整体来讲质数都唔错.
我已经试过炸虾角,烧卖,炸春卷,炸什菓沙律卷,煎莲藕饼,粉果,蒸鸡饭,糯米鸡,炒糯米饭. 全部味道方面都几好, 料就系将就返㗎喇. 例如炸虾角同烧卖都系无乜虾多猪肉, 春卷入面就都系芋头丝. 但奇在唔太影响味道㖞, 我觉得系好食嘅. 糯米饭都有唔少腊肠碎. 我觉得一分钱一分货, 间嘢都算几有良心喇.
我仲未试啲中式蒸包,好似好多老人家买. 日日有唔同款做 promo, 十蚊三四个咁. 我就好悲观嘅, 惊迟下会变质所以依家猛帮趁. 希望迟啲质素唔会下降或者加价啦!
张贴
