相馬日式火鍋 (已結業)

今餐有口福了，家姐请食饭，仲要系任食大闸蟹海鲜火锅放题（$408/位）🥳相马日式火锅（西环）空间感大，装修别致有格调，挂咗唔少工业风灯泡做装饰。大闸蟹虽然任食，但斤两十足绝无嬉场🤩臂壮膏肥，肉滑清甜，同家姐食到停唔到口！汤底有得免费升级做胡椒鸡汤，咁我哋梗系冇执输啦🤣汤头馨香浓郁，滋补暖胃。推荐大家再落埋鸡腿肉，肉味同鸡汤相辅相成，鲜香无比，肉质软嫩又juicy。顺带一提，餐厅而家做紧加购优惠，凡惠顾大闸蟹海鲜火锅放题，即可享用$10/3支Hoegaarden Rosee (250ml)。咁抵，我当然唔会错过😝饮落一啲都唔苦，甜甜哋易入口又清爽，好适合女士～