房委會職員同樂會餐廳

营业中

休息中

既然夜晚不是员工都食得，今晚有机会一班人食饭，就试下呢间同事话大件夹抵食嘅餐厅。特色菜色要早几日预订，但要去现场落订，系附近住就会方便啲。先黎一个大虾沙律，见好多人叫，不过都其实只系一盘大虾加生果，当系饭前果吧。再黎就系黑蒜海底椰炖竹丝鸡，好甜，无味精，系屋企煲足料嘅味道。即场叫左沙姜猪手，呢个好味，入味，猪手爽！然后上枱嘅系羊架，同枱有人曾经食过，推介必食，无错！好冧，只得少少羊膻味，不错，系有少少凉左，再热啲上枱更好！跟住一次过上埋烧鹅同牛腩煲加蒜蓉包，成枱都系野！烧鹅新鲜，我无点酱都好好食，有少少肥，有油香，皮脆肉嫩！至于牛腩呢，系普通好味嘅咖喱腩，系无惊喜姐，但蒜蓉包就好好味！大大件，外脆内软，蒜蓉香，就咁食已经好好味，索埋啲咖喱汁仲好味！我哋仲叫左姜葱炒蚝，蚝好大只！又入晒姜葱味，都几正！最后系红烧龙趸旗，超大份！卖相赢晒！不过我个人觉得有啲老，同事就话龙趸系咁，唔会好滑，而且要连皮食先好味，好多骨胶原，哈哈！有人识食就好了！仲叫左个菜，唔多讲。八𩠌一汤，八个人，盛惠每人$370。