LM Cafe (已結業)

去完观塘开仓，经过L M cafe就入咗去食，呢间餐厅环境大，有唔少年轻人都系度食。芝士黑松露焗西兰花入面有西兰花、有菇，仲有仲有好多好多嘅芝士。夹一旧西兰花，就会见到一个芝士拉丝嘅效果，好治疗。焗完既西兰花，仍然保持水润，唔会干渣渣。黑松露味淡淡地，朋友唔钟意食好重黑松露，佢超钟意食呢碟菜。椒盐鸡翼用呢个碟装住啲鸡翼上碟，觉得好似啲鸡翼啱啱新鲜出炉嘅感觉。鸡翼大大件，味道浓郁，啲味渗晒入去鸡翼度，入面仲锁住啲肉汁。流心奄列配龙虾汁鱼柳饭好大的一碟，呢碟有唔同既汁可以配，同三款肉可以拣，鸡肉，猪肉同鱼肉。炸鱼柳炸到脆卜卜，好脆口。呢碟饭太大，食咗好多前菜，好可惜食唔晒碟饭。甘菊花茶见到呢壶茶，即刻拎部手机出黎，呃like 既时间到啦，扮下文青先。不过拣呢壶茶，系因为餐牌写可以医失眠，呢排既天气搞到我几日训得好差。菊花茶既茶香，闻一闻觉得放松心情，味道淡淡地。但医唔医到失眠，就不清楚了。