LM Cafe (已結業)

大件又抵食今日同女朋友行完观塘就揾下有咩好野食啦，之后行行下就见到依家LM Cafe，原来系龙门冰室既高级版。点解咁讲？因为座位同环境都好d，而且野食又正d👍🏻我同女朋友就分别叫左爵士西冷拼香草肠同all day breakfast，餐系跟野饮，汤同沙律。餐汤系罗宋汤，饮落个味几浓有少少酸，岩哂用黎开胃😋西冷扒有两大块，食落肉质几好，有d咬口但又唔会太韧，岩岩好😋👍🏻配上龙虾汁，鲜味同肉味一齐黎😘再加上大大份薯菜，简直就系男士天堂女朋友既all day breakfast都一样咁大份。有茄汁豆，烟三文鱼，烤大啡菇，薯饼，肠同炒蛋等等。炒蛋就滑，食落feel到有牛油味👍🏻大啡菇焗得岩岩好，够哂juicy 😋🤤小食我地就叫左个蜜糖鸡翼。即叫即整，一出都黎劲热。味道岩岩好唔会太甜👍🏻最后我地仲叫左个waffle做甜品收尾。waffle都系即叫即做，再配埋雪糕一齐食，冷热即感觉实在太正😍整体黎讲，LM cafe虽然价钱系比出面既冰室贵，但环境好同坐得舒服，而味道唔错，份量又足。有机会一定再黎🤩