影片
更多
2020-08-21
584 浏览
呢间💛冰室屋企人话好食仲经常特登去帮衬，而早排因为wfh终于试到佢🤩虽然疫情关系会少左人出街食饭，但每次帮衬呢间冰室都总会有好多人系门口等位👩🏻🤝👨🏼👭 好彩佢可以用排队app，咁样大家就可以预返时间拎飞唔洗系门口聚集啦🙆🏻♀️.冰室餐牌有唔少选择，大部分配搭比较少见而且大件夹抵食，搞到我近排食上瘾每星期要食返1-2餐先够喉🤣******************************✨伤风感冒餐🍴($48包饮品)叫得做伤风感冒餐，自然会顾及病人既营养需要💁🏻♀️ 粉面系特浓蕃茄意式杂菜通粉🍲，可以拣火腿/滑鸡，饮品就系驱寒之选既热黑糖姜柠蜜☕️ 滑鸡🐔系一只鸡髀🍗既切件，肉质几滑有d似海南鸡；蕃茄汤底🍅 并非用茄酱/茄膏煮成而系用鲜茄熬制，但因为滑鸡本身带有油，汤底难免会油左少少🤏西兰花、红萝卜粒同蕃茄份量都几多，比起平时茶餐厅既粉面餐完全无蔬菜，呢碗通粉绝对够晒健康💪🏻套餐有跟火腿奄列🍳+牛角包🥐/3.6牛乳炒蛋🥚+牛角包🥐，奄列正正常常无特别；牛角包口感就偏淋唔够香脆，普通食ok但如果用西式面包店出品既牛角包黎比佢就差左d🙈-✨全日欧陆早餐🍴($53包饮品)主角可拣板煎蜜糖鸡扒
呢间💛冰室屋企人话好食仲经常特登去帮衬，而早排因为wfh终于试到佢🤩
虽然疫情关系会少左人出街食饭，但每次帮衬呢间冰室都总会有好多人系门口等位👩🏻🤝👨🏼👭 好彩佢可以用排队app，咁样大家就可以预返时间拎飞唔洗系门口聚集啦🙆🏻♀️
.
冰室餐牌有唔少选择，大部分配搭比较少见而且大件夹抵食，搞到我近排食上瘾每星期要食返1-2餐先够喉🤣
******************************
✨伤风感冒餐🍴($48包饮品)
叫得做伤风感冒餐，自然会顾及病人既营养需要💁🏻♀️ 粉面系特浓蕃茄意式杂菜通粉🍲，可以拣火腿/滑鸡，饮品就系驱寒之选既热黑糖姜柠蜜☕️
滑鸡🐔系一只鸡髀🍗既切件，肉质几滑有d似海南鸡；蕃茄汤底🍅 并非用茄酱/茄膏煮成而系用鲜茄熬制，但因为滑鸡本身带有油，汤底难免会油左少少🤏
西兰花、红萝卜粒同蕃茄份量都几多，比起平时茶餐厅既粉面餐完全无蔬菜，呢碗通粉绝对够晒健康💪🏻
套餐有跟火腿奄列🍳+牛角包🥐/3.6牛乳炒蛋🥚+牛角包🥐，奄列正正常常无特别；牛角包口感就偏淋唔够香脆，普通食ok但如果用西式面包店出品既牛角包黎比佢就差左d🙈
-
✨全日欧陆早餐🍴($53包饮品)
主角可拣板煎蜜糖鸡扒🐔/美式千岛炸鱼柳🐟/厚切猪扒🐷，加上3.6牛乳炒蛋+半条司华力肠+沙律+薯饼+牛角包，同埋热饮☕️
炒蛋🥚食落几滑，有蛋味但唔算好浓；帮衬当日唔想食咁heavy就将牛角包🥐转做多士🍞，多士轻微烘过保留面包既松软，食落带有少少奶味，同平时食开既白面包有唔同😳
沙律菜🥗就够晒新鲜，份量同样俾得好大方，加埋麻酱黎食好开胃😋
最夸张既莫过于块厚切猪扒🐷，佢真系厚切而且好大块！有时会食到d又干又鞋既猪扒，呢度块猪扒煎到金黄色，肉质唔韧有咬口而且腌得够入味，完全无雪藏味，呢份all-day breakfast 绝对令你觉得大满足！
-
✨ 巨人汉堡·厚切沙律猪扒包🍔($34包饮品)
呢度既下午茶餐同样吸引，而巨人汉堡系列就有鸡扒/厚猪扒/自家制黑椒汉堡扒3款，之所以叫巨人汉堡系因为佢真系好巨！
汉堡包🍔系用芝麻猪仔包，带有好香芝麻味；入面有沙律酱、芝士🧀、煎蛋🍳、厚猪扒🐷、蕃茄🍅同生菜🥬
原以为汉堡包块猪扒会细块d，点知同all-day breakfast既猪扒一样咁大块，成3/4把餐刀咁长，全日净系食呢个下午茶餐已经够饱😂 咁既价钱包餐饮仲咁大份真系去边度揾！
⚠️另外可以加5蚊配薯条🍟/麻酱沙律🥗/火腿粟米通粉🍲/火腿鲜茄通粉🍲，绝对够饱🤰🏻******************************
👧🏻人均消费：$50-$60
😋味道指数：4/5
💰抵食指数：4/5
🪑环境指数：3.5/5
💁🏻♀️服务指数：3/5
👍🏻再访指数：4.5/5
-
📍时代冰室
地址：沙田沙角街5号沙角邨沙角商场2楼222号舖
⏰营业时间：07:00–22:30 (Mon–Sun)
张贴
