八囍牛雜粉麵

营业中

休息中

位于街市入边，地方少少但系食物水准高，而且超级平！早餐一碗面配一杯嘢饮只系$30 ，仲要大碗面，即使系老公食完都会觉得好饱。老公最钟意食嘅牛肺，好多时喺出边面档都唔俾你单要牛肺，会逼你点牛杂。但系八囍系可以单要一种牛嘅内脏，好似老公钟意食牛肺，佢就可以净系叫牛肺面；而我钟意食牛膀，就可以净系叫我牛膀面，呢样好抵赞！钟意佢嘅面唔会太淋，食咗好多次，每一次食都好弹牙，所以佢嘅右面都系我经常会点嘅。配上自家制嘅辣椒油，同埋少少葱花吊味，真系会食上瘾㗎 ！冻柠茶水准不过不失，起码有茶香，而且我哋叫少甜又真系做得到，以佢地方咁细嚟讲，都可以冲出一杯唔错嘅冻柠茶，合格有余！