村爺爺龍蝦湯.泡飯.燉湯專家

营业中

休息中

想试好耐，今日终于的起心肝去排队，等咗大概半个钟入到坐。叫咗两个套餐再加一个小食。殿龙虾汤泡饭同普通龙虾汤泡饭唔同，佢依一个就有半只龙虾，其他𠮶啲剩系得虾头。喺门口排队嘅时候已经落定单，入到去好快就已经有嘢食。佢海鲜嘅份量真系好多，好多蚬。龙虾汤饮落系好饮嘅，饮得出系熬制咗好耐嘅味道。唔系好味精，但系可能就会比较啱配米线或者面，配白饭有啲唔系几夹，下次应该转米线会好味啲，佢个汤都几浓味下。花胶螺头鸡煲好足料同埋好好饮啊，虽然有少少咸，但系配白饭就啱啱好。饮落都冇乜味精感，佢俾咗半只鸡，鸡味好浓郁，而且鸡肉用嚟煮完个汤都好滑。而且都有好几片花胶下，好啱冬天食可以滋润一下。值得提醒嘅系，因为真系好大份！我哋都真系食唔晒，想问佢拎外卖盒，点知原来佢冇做外卖，连外卖盒都冇提供。所以下次记得要留肚好肚饿先去食啦，因为佢份量真系超级大份性价比好高。南乳鸡翼配薯角食到中段先记得影相，佢系有三只鸡翼，好香南乳味，不过有少少油啦，可能隔油格得唔够。但都值得食嘅。