飛陽砂鍋粥潮州打冷小廚

营业中

休息中

今晚两个人在元朗食晚饭帮衬咗一间大件夹抵食的潮州打冷店。叫咗四个𩠌一碗白饭再加两罐汽水才$374，碟碟都好大碟架。韭菜猪红系四个𩠌之中最有惊喜的一碟，佢个汁调得好好味，唯一挑剔系韭菜太少。卤水拼盘超级大碟，入面有红肠鹅肠墨鱼猪大肠猪腩肉猪耳猪头肉鸡蛋鹅肾豆腐同芽菜，非常丰富，卤水汁味道都ok。虽然我钟意煎蚝饼多啲而呢度系炸嘅，不过呢间店的炸蚝饼都算炸得松脆，唯一决点系啲蚝仔好似少咗啲。最后仲有啫啫鸡煲，不过呢个𩠌真系超级唔掂，个啫啫鸡煲上枱时无啫啫声，成个鸡煲一啲都唔香，入面啲鸡都系啲头头尾尾，骨多肉少，又无猪膶又无香葱头。