飛陽砂鍋粥潮州打冷小廚

营业中

休息中

叫左雜錦打冷 有魷魚滷水蛋鵝腸肉豬耳紅腸 大大碟先120 送酒佳品再叫左個黑椒牛仔骨煲 熱辣辣有洋葱🧅炒底 味道咸少少但送飯一流再黎一個西蘭花🥦炒西魷 大家都覺得貴少少 咁樣90蚊 不如叫多個滷水仲抵食🫢🫢

Dinner冇Idea所以就隨便試下呢間打冷，落單上菜快😆，姨姨服務都禮貌親切～第一道上左湯先，食炸野前下下火。本身湯已經好夠味，唔小心重手左落多胡椒少少辣，但好開胃，豬肚入味有咬口😋😋下一碟豉椒鵝腸，Q彈惹味，指定動作要加多碗飯撈汁食～最後就係煎蠔餅，上枱熱辣辣，略嫌粉有少少厚，但都滿足到食蠔餅嘅癮，點少少魚露一齊食又係另一種風味😚😚整體黎講不過不失嘅一餐，勝在味道穩陣食得舒服😌放日常Dinner pocket list 岩岩好

呢間講好食，又唔算，講地道，又唔算，平平庸庸囉，我都幫襯過幾次。元朗一帶，想打冷，選擇已經唔多，呢間小店水準，服務態度，同衛生算咁上下嘅一間。唔會成日趕人走，比啲無形精神壓力你，好快收走個啲碗碗碟碟。唯一只係唔比你拎外來飲品入去。呢點都可以理解。滷水就唔入味係真嘅。第一次幫襯叫過，麻麻地，所以之後我無再叫，佢有無改進我唔清楚。

3月尾即興去左間呢打冷舖🥴超級難食蠔餅勁厚粉👎厚粉到食唔出有蠔仔蝦棗又食唔出係乜，啲肉又散又霉👎鹵水墨魚、鵝腸、腎係白烚全無味道👎以前食過幾次叫一般般，但收工就腳所以都會間唔時食下，今次真係好難食，附近左右大把餐廳真係唔會再去！真心唔知仲可以寫啲乜，當日咁嘅質素已經無哂心機，所以無乜點影相，下次再遇到啲難食嘅，真係要影相比其他人睇真啲，好想你哋睇到佢個蠔餅可以幾厚粉！朂後2條女叫左幾支大啤頂下肚，食物就攪唔點入唔到口食淨哂喺度！

家人今晚想食潮州打冷及粥。元朗食過的打冷有2間，飛陽砂鍋粥係其中1間。幫襯佢的原因，係家人重點提想食腩肉春菜，而呢款菜式係屬於飛陽。用外賣平台點咗以下幾款小菜：鹵水鵝片 - 入味之餘，底下的豆腐亦好味。韭菜豬紅- 份量並唔係好多，不過豬紅唔會有一陣味，較另一間整得好味。腩肉春菜 - 春菜好味，腩肉得幾塊，不過係好味。豆卜芽菜 - OK整體食物份量雖然唔多，不過質素方面真係滿意。食完唔會好口渴，相信使用味精的份量唔會過多。

已經唔記得幾耐無食過正宗打冷，元朗嚟講選擇唔算太多，一般都會揀老店，貪其食開穩穩陣陣。呢間坐落“雞地“既小店，對我嚟講算新店，想試好耐一直未有機會，今日機會嚟喇，朋友叫到話想打冷，加上無敵天氣坐室外食一流。以後此店將會係本人元朗打冷首選，已經諗好再嚟要試乜：椒鹽九肚魚、涼拌魚皮、涼瓜黃豆排骨湯、春菜腩肉……哎呀，成個menu都想試晒咁滯，即係又要試多幾次😂 仲要朋友請食飯，理應點都抵咗，點知一問埋單價錢，3個人先食咗3百幾，嘩，初時仲以為計錯價錢🤑 好，下次醒目喇，約咗幾點食，就早30分鐘拎飛排隊！😄

今晚兩個人在元朗食晚飯幫襯咗一間大件夾抵食的潮州打冷店。叫咗四個餸一碗白飯再加兩罐汽水才$374，碟碟都好大碟架。韭菜豬紅係四個餸之中最有驚喜的一碟，佢個汁調得好好味，唯一挑剔係韭菜太少。鹵水拼盤超級大碟，入面有紅腸鵝腸墨魚豬大腸豬腩肉豬耳豬頭肉雞蛋鵝腎豆腐同芽菜，非常豐富，鹵水汁味道都ok。雖然我鐘意煎蠔餅多啲而呢度係炸嘅，不過呢間店的炸蠔餅都算炸得鬆脆，唯一決點係啲蠔仔好似少咗啲。最後仲有啫啫雞煲，不過呢個餸真係超級唔掂，個啫啫雞煲上枱時無啫啫聲，成個雞煲一啲都唔香，入面啲雞都係啲頭頭尾尾，骨多肉少，又無豬膶又無香蔥頭。

同家人食晚飯，點咗了：韭菜豬紅（$50）滷水雜拼盤（$120）椒鹽爆三式：腰果、鮮魷、九肚魚（$138）沙拉骨（$88）蒜蓉白菜仔（$70）潮州蠔餅（$80）韭菜豬紅韭菜唔會太熟太老，剛剛好豬紅好滑，湯底惹味得黎唔會過份鹹滷水雜拼盤 入面有：紅腸 墨魚 鵝腸 腩肉 豬頭肉 雞蛋 豬大腸 雞腎，芽菜墊底 ，芫荽放面做點綴，可以一次過食到咁多款潮州滷水小食，大大碟，好抵食，附上辣椒油同蒜味酸汁，隨個人喜好添加。鵝腸 墨魚 雞腎 爽身爽口，鵝腸唔會有怪味腩肉 豬頭肉 豬大腸 好入味，質地軟熟芽菜 爽口，吸晒滷水汁嘅精華，但唔會太鹹椒鹽爆三式：腰果、鮮魷、九肚魚個炸漿好薄身，好香脆，九肚魚好嫩滑，魚味濃，魚同魷魚都一樣新鮮，魷魚好彈牙～沙拉骨：沙律醬超級多！沙律醬將所有豬排全覆蓋，沙律醬勁濃，啱重口味寶寶～ 好啱送飯！蒜蓉白菜仔：白菜仔新鮮，爽身，感覺唔會好油，蒜蓉好多，但唔會過份鹹，味道適中～潮州蠔餅：炸漿好薄，蠔仔脹卜卜好大粒又新鮮，食落口唔會覺得好油膩，口感好輕身～ 熱辣辣又香脆，好好食！蠔餅必食～小菜好多選擇，食材新鮮，一大班朋友或者家人聚餐，都好適合～ 5個人食，連埋飲品，每人$12

其實我一直都未試過打冷，但bookmark收埋咗幾間，終於有機會同屋企人去試下，搵咗間最近屋企既😋☑️椒鹽鮮魷 $108哩個係我妹既最愛，次次去親既地方有得叫佢都一定會叫🤣椒鹽鮮魷味道偏淡，但都好香脆，唔會太厚炸粉👍🏻☑️豉椒炒蜆 $75唔係幾入味，都冇咩鑊氣味，我媽咪整既都好食過佢，食啲要鑊氣既野食都係去返大牌檔好啲🤣☑️潮洲蠔餅 $65超大件既蠔餅，入面超多大大隻肥美既蠔仔🦪出面炸到好香脆，真係抵食又大件❗️☑️鹵水鵝腸 $65食打冷又點可以唔食鹵水，鹵水鵝腸就甘食唔算好入味，但點埋佢地個source，就辣辣地好野味，而且鵝腸好爽口，哩個價錢黎講份量都幾多。☑️豉椒味菜炒豬肚 $65用豉椒同洋蔥🧅青紅椒一齊炒，食落都有豉椒味既，但係豉椒味唔夠cover豬肚原先既騷味🥲

元朗打冷熱熱地就想食打冷，去左元朗雞地搵食😋鹵水三拼$100叫左紅陽豬腸墨魚，芽菜底，幾爽口烏頭 $120有黃油！好食！肉質滑得黎都幾實淨，證明條魚有充足的運動香辣炒蜆 $88原來似避風塘炒法，只係再加左辣椒，覺得比較乾身同埋都幾辣，都係覺得豉椒炒好食d

今晚家人想食打冷，但又想試下未曾幫襯過的餐廳，最後揾咗飛陽砂鍋粥潮州打冷小廚。韭菜豬紅 - 豬紅幾好食。腩肉春菜 - 春菜OK, 腩肉都好食，不過份量略為少啲。沙嗲金菇牛肉煲 - 沙嗲雖然唔算好濃，但整體OK, 金菇份量可以多啲，唔太夠食。啫啫肉鬆四季豆 - 四季豆美味，肉鬆好香好惹味，呢個菜可以再食。整體飛陽的食物都算唔錯，份量亦都OK, 可以列入元朗打冷的其中一個選擇。

等外賣非常非常非常耐正常外賣20分鐘已經算耐 呢間客人又吾系特別多但等外賣既時間耐到你都吾信 問佢地就話差一個 原來差一個餸可以等20分鐘等外賣起埋等超40分鐘 等左半個鐘問佢地有未 話仲差一個 叫佢幫手催手 職員答你催左 嫁拉 催吾到嫁 過多10分 再同你講差個餸仲要等多兩個字 一系你取消 你吾取消再等多幾個字 咪依家等甘耐系我問題咩 仲要勁大枝野你等吾到就取消拉你想客取消咪第一次問你果陣你就叫我取消拉 我等左甘耐你先叫我取消 真系不知所謂

📍飛揚砂鍋粥潮州打冷小廚 @ 元朗​ღ 滷水雜拼拼盤 $105ღ 椒鹽鮮魷 $98ღ 蠔仔粥（忘記了🤣ღ 炒四季豆？🤣嚟！介紹返啲佬嘢先😋不過太耐之前食 唔記得晒啲價錢🤣之前食過一次外賣 擺得太耐有啲麻麻堂食俾多次機會喇 不過都唔係好驚艷(￣▽￣)滷水鵝拼盤幾好食 份量好多 有海量鵝腸！魷魚炸得有啲皮肉分離(*´Д｀*) 但味道可以嘅～但個蠔仔粥有啲腥 可能嗰日嘅蠔唔新鮮ʕ⁎̯͡⁎ʔ༄炒四季豆就正常水準 好啱送飯囉哈哈總括而言都係普通打冷 有良心就加少少分🤓回頭指數😼3/5（區內人好想食打冷就去喇(//∇//)

係雞地搵食多數都係西餐, 今次有朋友介紹試下打冷, 叫左椒鹽爆三式,滷水雜併,好似話過幾日天氣凍,率先食埋個羊腩煲!見到餐牌寫椒鹽爆三式有鮮魷，九肚魚同豆腐... 而家真係要大排隊先食到椒鹽九肚魚, 所以見到即刻忍唔住叫,感覺係即叫即炸新鮮熱辣美中不足係成碟椒鹽爆三式一舊豆腐都無.....呀姐話係腰果唔係豆腐最鍾意食滷水雜併, 唔好睇佢好似得上面一層, 其實成碟擺到滿哂, 滷得幾好味!最估唔到係個羊腩煲,超抵食竟然羊腩多過其他材料, 佢送埋碟生菜。我地坐係出面,對住個熱住既羊腩煲真係另有一番風味!雖然話係潮州打令,但我地叫左啲唔正宗既菜式一樣好食。

椒鹽爆三式，包括有鮮魷，九肚魚同埋腰果，九肚魚同鮮魷都鬆脆，唔錯，而腰果少少咸味，正蠔餅，個面脆卜卜，而蠔肉好新鮮同飽滿，非常好食豉椒鵝腸，好似細細碟，但食極都仲有，個碟好似一個黑洞咁，盛裝左數之不盡嘅鵝腸滷水雜併，就咁睇好似得幾塊紅腸，但內裡有好多好多塊紅腸，正，d鵝腸都係一樣食極都唔完，仲有其他腎，大腸等都好好食5個人食呢煲羊腩煲，佢d羊腩都煮到淋晒，又係食極都唔完嘅羊腩，支竹同馬蹄都夠食，d汁撈飯簡直一流