LM Cafe (已結業)

系观塘行开，想试下新野，就入左黎。我同朋友就嗌左个汤，两个餐，一个𩠌同两支1664。嗌左个罗宋汤，罗宋汤偏辣，但好浓味，仲有好足料，正！我地嗌左呢个星级杂扒配蒜蓉汁铁板餐跟饭，呢个星级杂扒有西冷扒，鸡扒，英式肠，烟三文鱼同炸带子。佢仲有d栗米同蕃茄，非常足料，好饱肚。我中意佢够多款𩠌，个蒜汁好香，同个扒好match。因为食左好多肉，我地就嗌左个黑松露芝士焗杂菌西兰花，佢都系好大碟，好香芝士味，加埋d杂菌，呢个配搭一流！我地仲嗌左个爵士西冷扒拼香草肠配黑椒汁铁板餐跟薯菜。佢个肠好外脆内软，牛扒硬软到刚好，加埋薯条，非常足料好抵食。野饮就嗌左两支1664，值得赞赏的间店好细心，因为个啤酒杯系好冰好凉，饮1664时特别爽。