泰味屋(堅記美食) (已結業)

一向都系牛头角街市既拥趸，贪佢够平又大碟!而呢间泰味屋系短短开张数月，已经吸引我再次光顾!先讲食物种类，都系大路泰国菜应该有既野，但价格就十分合理。整个餐牌最多就系菜既款式(不同配搭嘅通菜/芥兰/椰菜苗)，其次海鲜就以鱼为主要(乌头同鲗鱼)。我同男友二人都算大食，而且都好少食净，所以照平时一样点4，5样，结果碟碟都好大，净系一碟沙律已经占左半个胃!•炒蚬麻麻，蚬有沙，虽然有汁但蚬肉好干，胜在够浓味!($88)改用花甲会较理想!•凤爪沙律，非常大碟，够辣，爽口!•炸虾饼($55) 10小块，中规中矩!•香辣叶炒肉碎 ，其实食唔到个辣，不过肉碎惹味，食唔到雪藏味，送饭不俗!