大橋頭餐廳

营业中

休息中

同朋友游完水肚饿，系泳池隔离见有餐厅，就入咗去坐。环境：地方阔落，光猛。仲有啲游戏机玩，啱晒啲细路。服务：店员热情招待，会推介食物而且同每位客人都会倾下计，就算一个人食都唔惊闷。一人火锅个锅好大，似边炉锅。有一个乌冬，肥牛，贡丸、鱼蛋、龙虾丸，芝士丸、蟹柳，啲菜多到2个人都食到，绝对系饱肚之选。+ $3个仲可以食埋个紫米露，边度揾😆车仔面有好多𩠌选择，我哋简左牛腩，瑞士汁鸡翼同埋鱿鱼。牛腩炆得腍，瑞士汁鸡翼煮得入味。非常推介加辣，系鸡煲嘅味道，有啲惊喜。饮品加$10叫咗香芋珍珠鲜奶，只味道充满童年回忆。台式版饭套餐性价比高，唔使$50就叫到𠮶餐。鸡扒大大件，仲有只太阳蛋，酱汁简左黑椒汁，黑椒汁鸡扒几时都咁好食。跟餐包左罗宋汤，酸酸味几开胃。加$10仲可以转黑糖珍珠牛奶，大杯抵饮。