滾餃

营业中

休息中

滚饺@骆驼漆大厦今日约咗朋友系观塘食饭，咁啱大家都想食饺子。就嚟到工厦揾咗呢间小店，今日一收工过黎，去到已经满座，人气极高。系门口排队大概等咗15分钟就入得。店里既装修好有格调，简洁得黎又够光猛。一坐低就比左碟菜脯我地食先，食落少少辣又几爽口过瘾开胃，而且仲好似有得encore多碟！点餐可以用QR code慢慢拣，因为觉得汤饺Juicy啲好食啲，所以我哋都系拣咗汤饺:🌽香菇栗米猪肉饺饺子一嚟到见到佢嘅尺寸，每粒都好大只睇落好丰盛～咬落去非常juicy而且肉味好浓郁，栗米粒粒都结实鲜甜，仲有好重㗎香菇味。饺子本身算系皮薄，加埋喺入边嘅馅料好足，咬落好实净，好好食！🥟泡菜猪肉饺因为我本身都唔系好好辣，所以我都只系夹朋友既黎试几啖。放入口又好似冇想像中咁辣，有好重嘅泡菜味，但都只系少少辣。不过同其他辣嘢一样，不足既系会将其他食材嘅味道盖过。