酷廚 (已結業)

特登黎荔枝角行年宵市场，食饭时间就黎二期呢间KOOL酷厨。呢度有晚市套餐，无收加一架！今晚拣左个酷厨凯撒沙律（$58），加$20有埋烟三文鱼。个份量真系超大，黎到吓左一条。罗马菜超爽脆，加上面包粒仲有少许芝士，食完已经饱左一半。餐汤有蘑菇忌廉汤。几浓郁几结身架。主菜拣左法式羊架（$207），要左侍应推介既七成熟。有三支骨。味道唔会好骚。肉都几多，而且部位都系脂肪部位附近，肉质特别软嫩。餐饮可以拣咖啡、柠茶、柠水、柚子蜜、红枣茶。我就拣左热红枣茶行气活血一下。餐饮系食完主菜先上既，所以如果大家想食住饮，就要提早扬声喇。红枣茶系好似柚子蜜咁毕两羹加水果款，味道唔会好甜啊。呢度座位几多，更有包房可以开party，今日就见到有人切蛋糕喇。