成記茶寮

营业中

休息中

听人讲呢间茶记系无可能食唔饱，大食嘅我都非常认同。外卖大概半个钟就送到，饭都够热。叫咗一个咖喱猪扒鸡球饭，外送apps $45，有冻饮。净系睇个盒都知好大份，系用最大嘅外卖盒，鸡球系鸡扒黎，有成四大旧，猪扒都有两块，真系冇可能唔够饱。汁都好多，系比较甜嘅咖喱汁，似葡汁多啲。鸡扒算嫩滑，猪扒都唔鞋，正常茶记质素，呢个价钱绝对抵食。另外一个系猪扒鸡翼饭豉油汁，一样好大份，有三只鸡翼，味道一样正常。系外卖apps呢个价钱真系冇得输，女仔唔太大食嘅话两个人食一盒饭都得。