小城鎮 (已結業)

星期六晚同老公搭叮叮去北角食晚饭。我地叫左两个主菜，都加左$48升级做套餐，另外再叫左三样野食。套餐既酥皮汤同平时既唔同，用上罗宋汤，而唔系忌廉汤，成件事健康左好多，酥皮好香口。慢煮羊腿配薯蓉羊腿肉质好软腍，带点好香既膻味，薯蓉绵滑，牛油味重，好多洋葱、杂菇、椰菜，仲有西兰花，蔬菜都整得好好食。香煎厚切鹅肝伴纽西兰牛柳鹅肝肥美，加上黑松露酱更香，牛柳超级厚身，真系啖啖肉，亦有蔬菜伴碟，营养均衡。深海鲜虾凯撒沙律好大碟，沙律菜新鲜，酱汁几好味。白酒忌廉烩青口青口数量颇多，唔会好细只，唔错。烟三文鱼牛油果酱沙沙多士超级足料又好食，正。套餐甜品拣左朱古力曲奇慕丝蛋糕同蓝莓芝士蛋糕，我钟意后者多啲。餐饮拣左百香园水果茶同绵绵朱古力，卖相几得又好饮。