榮少喇沙 (已結業)

之前系天水围嘅荣少食过海鲜喇沙米线,吾错。咁啱系屯门时代广场shopping,食下呢间睇下得吾得先。一般嘅茶餐厅装修,干净企理,再加上一啲万圣节装饰！🎃今次转下汤底,点咗🥤柠檬意米水跟餐优惠价$10杯,预先包装好,饮得安心。吾会好甜,有柠檬味,加上意米同亚麻籽,第一次饮,几特别！🍜猪软骨鱼汤米线米线系烟韧嘅,加入奶白鲜甜鱼汤,腍腍嘅猪软骨,仲有半个溏心蛋！味道浓而不腻！🍛炸猪扒饭 + 秋葵两大块猪扒腍一腍,白饭加上肉燥汁,丰富味蕾。见到隔离点咗个秋葵都系$10,我哋都要咗个。秋葵爽口,滑潺潺,十分健康！大大份餐都系一百多啲,非常抵食,下次再嚟试特鲜芫茜汤底！