冬蔭公公 (已結業)

将军澳新派食店，既好似谭仔咁可以米粉加配料食，又可以叫下饭或者咖哩类食品，几适合一家大小同埋口味唔同既朋友一大班去试下。肥柑太叫左BB辣冬荫功汤加牛筋丸，我就叫左大辣加豆卜，再叫左加底，但估唔到原来呢间店一碗粉面既分量系好多，睇相已见薯粉系多到出左汤面，一个人食完应该会十足饱，我仲有一碗既加底，真系食完包食滞。(事后真系滞左一日)，食量真系好大既朋友先好叫加底呀。呢度加底畀个碗你自己加，如果有几个人分既话，一份加底应该畀左两至三人分，其实人多食又几抵食架。讲番碗薯粉，最重要系个汤，真系香口得黎，又有少少酸辣既冬荫味，饮落唔觉有味精，食完唔口渴，而配菜分量则较少，而且肉类偏向几贵下，大家可以叫一碗粉已经等同出面谭仔叫两碗，不过味道方面我觉得佢地做个冬蔚功做得几好，下次有机会我会试埋其他汤底。