木屋大排檔

营业中

休息中

今日去左太和，见一排无食泰菜想试下。本来以为可能要去其他区先有得食，上网search过就决定去木屋。到达餐厅后，餐厅职员好友善咁带我哋去分配左嘅座位，同时介绍而家做紧咩嘅set menu。我哋叫左个二人餐，再加一个马拉盏炒通菜，饮品就叫左青柠檬梳打。最先上枱嘅系梳打。饮品杯入面已经有少量青柠檬汁，就泰国入口嘅樽装梳打倒入去都己已经够味。当杯入面嘅冰融得七七八八，可以笃下啲青柠。咖哩花甲同蒜蓉包都好快上枱。咖哩香味浓郁，而薯仔都颇为入味。更难得系薯仔系焗/炸过，入口唔会淋哂。蒜蓉包有惊喜，热之余够香脆，包上面蒜蓉酱更令人回味无穷。之后送上嘅系马拉盏炒通菜。有别于一般泰式餐厅，菜系用热嘅砂煲上。咁样令菜更加干身爽口，亦将马拉盏香味进一步挥发。最后上嘅系泰式拼盘同炒金粉。啱啱食完啲浓味食物，泰式拼盘嘅青木瓜沙律酸酸甜甜，正好平衡返。而炒金边粉就味道正常。离座时见到餐厅满座。所以如果呢间餐食晚巿，都系建议先订位。