影片
更多
2022-12-17
15 浏览
行过闻到好香串烧味比呢间小店吸引，睇menu觉得尖沙咀有呢个价钱好都算好抵所以试试佢！小店装修简单，位置唔多，但根据我哋观察佢系做外卖多，通常隔十几分钟就见到十几盒串烧等人嚟拎！好彩堂食都唔会等好耐先有野食～照样嗌左蔬菜肉类同埋海鲜串烧必吃韭菜同埋娃娃菜！之前去其他舖头娃娃菜都系一片一片串埋当一串，但呢度串埋应该有一整个娃娃菜🤣见到真系觉得价钱真系好贴地合理。茄子铺满满满嘅蒜蓉同埋香料，又系另一款必吃～肉类唔会烧到太柴好轻松就可以咬到，咬落仲有肉汁，尤其是系烧五花腩啲油好香～如果大家唔系食肉兽我会推介首选五花腩，之后系羊肉！海鲜我哋试咗两款唔同味嘅带子，类似西式同中式感觉，芝士带子好邪恶，主要食芝士嘅咸味，个人觉得都系蒜蓉带子更加容易带到带子个鲜味！带子大大粒，钟意食贝类嘅要试吓！我哋仲嗌咗烧奶皇包同埋小馒头，第一次见有呢啲烧烤有包嗌哈哈！两款都系烧到外皮脆脆地，里面都仲系好软熟嘅感觉！推介奶皇包，虽然唔会做到流心效果，但感觉会再湿润啲！最后嗌咗个「甜品」棉花糖夹饼，第一次听呢个组合，食完最后想食啲甜野随便嗌左～意外地梳化饼嘅咸味同埋棉花糖嘅甜味都好融合，系几好食！（等我下次又喺屋企试
行过闻到好香串烧味比呢间小店吸引，
睇menu觉得尖沙咀有呢个价钱好都算好抵所以试试佢！
小店装修简单，位置唔多，但根据我哋观察佢系做外卖多，通常隔十几分钟就见到十几盒串烧等人嚟拎！好彩堂食都唔会等好耐先有野食～
照样嗌左蔬菜肉类同埋海鲜
串烧必吃韭菜同埋娃娃菜！之前去其他舖头娃娃菜都系一片一片串埋当一串，但呢度串埋应该有一整个娃娃菜🤣见到真系觉得价钱真系好贴地合理。茄子铺满满满嘅蒜蓉同埋香料，又系另一款必吃～
肉类唔会烧到太柴好轻松就可以咬到，咬落仲有肉汁，尤其是系烧五花腩啲油好香～如果大家唔系食肉兽我会推介首选五花腩，之后系羊肉！
海鲜我哋试咗两款唔同味嘅带子，类似西式同中式感觉，芝士带子好邪恶，主要食芝士嘅咸味，个人觉得都系蒜蓉带子更加容易带到带子个鲜味！带子大大粒，钟意食贝类嘅要试吓！
我哋仲嗌咗烧奶皇包同埋小馒头，第一次见有呢啲烧烤有包嗌哈哈！两款都系烧到外皮脆脆地，里面都仲系好软熟嘅感觉！推介奶皇包，虽然唔会做到流心效果，但感觉会再湿润啲！
最后嗌咗个「甜品」棉花糖夹饼，第一次听呢个组合，食完最后想食啲甜野随便嗌左～意外地梳化饼嘅咸味同埋棉花糖嘅甜味都好融合，系几好食！（等我下次又喺屋企试整下，哈哈）
呢度嘅调味烧到串烧好惹味但系唔会过分咸，食完都唔会好口渴，推介大家嗌外卖或者堂食黎试吓！
张贴
