麻辣派對 (瑞生酒店) (已結業)

之前成日经过呢边都畀呢间川菜嘅招牌吸引， 大大个招牌，用上川菜惯用嘅辣椒红色， 今日终于有人陪我去食。店内装潢还好摩登，食客应该有一半系国内同胞， 睇咗餐牌，叫了食川菜必食嘅水煮牛肉，回锅肉，手拍青瓜。手拍青瓜要少辣， 卖相精美，青瓜爽脆，加上麻辣花椒，香口醒胃。回锅肉， 份量大， 猪腩肉炒到脆卜卜，油脂迫了出黎，不觉肥腻。 高丽菜，鸡蛋， 辣椒，大葱等吸收了猪油香，豆瓣酱，非常惹味。水煮牛肉一上场就占据了桌子大面积， 好红好壮观，里面有大量牛肉，金针菇，水晶粉。 牛肉麻辣滑嫩，夹极都仲有，好抵食。满足一餐。