小草十八怪石鍋米線 (已結業)

呢间米线舖成日见关注组有人讨论，而且评语都唔差，所以终于的起心肝黎试下，点知真系中咗大伏🫠。.餐厅系sell石锅米线，配料选择都算多，而且汤底都有几多款，Menu睇落都算正正常常。当日嗌咗三款配料，有萝卜、墨鱼丸同五香辣猪软骨，配马来肉骨茶汤底🫡。拿，呢几样𩠌谂住稳稳阵阵，点知个萝卜唔甜之余竟然系酸嘅又有啲硬，未食过咁难食嘅萝卜，食左一旧就已经食唔到落去。🙃 其余个两样𩠌尚算正常，但份量真系好少。而个肉骨茶汤底好明显系用汤包开嘅，味道正常但真系冇咩诚意，唔知系咪味精太重，饮完喉咙唔系太舒服🤢。.另外，想讲下餐厅整体感觉唔太卫生。全部配料都系放晒系啲放题用嘅开放式雪柜度。个雪柜放系楼面，一有order职员就会系个度夹再上菜。但个雪柜门基本上系长期打开，啲配料够唔够冻去保存就真系唔知，加上见到有啲乌蝇飞来飞去。🫣 而且眼见雪柜入面有啲牛肉出晒血水浸住，唔知放左几耐，见到都小惊。.其实呢间米线舖好似系主打自制石锅米线，姐系比啲未熟嘅配料你放入石锅自己煮。但系当日上菜嘅时候已经系煮熟晒系碗米线入面，心谂你唔比人煮就咪用呢样野做招徕😂。呢间野真系不可一不可再，希望大家唔好以身试伏。