心粥館 (已結業)

呢间心粥馆＋鱼米位置好方便，向荔枝角地鐡站一出嘅D2内，全店算光猛，系有啲污糟啫，平时我会叫鲩鱼骨米线或者新竹米粉，厨房会将鲩鱼骨炸得好香脆，我通常要求分开上，唔想啲汤浸林左份炸鲩鱼骨；粥品都几好，我病时都会叫碗粥食；但菜饭我就觉得麻麻地，小菜都唔系强项；今次我就清清地食冬菇米线，大大碗，只系$32，米线我会拣呢间食，因为味唔重，清淡得嚟唔会无味，最重要食完我唔会口渴。但系每次落单都要小心，唔知点解呢间D伙记成日落错单，平均三次有两次都会落错，最搅嘢系唔只落错我一枱，又唔只一个伙记落错单。。。。简直令人费解。