河內越式料理 (村南道)

营业中

休息中

星期日大约一点半嚟到，等咗十分钟，就有位入去， 店内非常之迫夹， 亦都十分嘈吵 😵‍💫。我哋两个大人一个细路，嗌咗三样嘢， 加一罐汽水 包括 :猪颈肉沙律，牛三宝汤河粉， 蕃茄汤蟹肉扎肉汤檬， 总共食咗221蚊， 性价比算几高 💖，三样嘢最好食应该系个猪颈肉沙律，其他两样不过不失，冇咩惊喜，蕃茄汤檬入面啲蟹肉非常之少🙈， 扎肉薄切切，净系个檬粉够大，食饱你😎。 可能店内楼底矮 ，感觉局促😵， 座位又排得好密 ，如果要同朋友倾下计， 就唔好拣呢间舖 ，就算朋友坐隔离，倾句计，系需要好大声先📢至听得清楚。