七福神和食亭

营业中

休息中

食得多放题，都想试吓散叫嘅日式料理，睇吓水准同价钱系咪都高啲先。网烧牛扒，虽然冇话系和牛，但入口即溶，牛肉味浓，生熟程度刚好，极力推介大蒜牛酒烧银鳕鱼，银鳕鱼扒够厚身，鱼肉滑就一定，但唔够入味，始终都系西京烧汁配银鳕鱼好味啲。芝士铁板滑豆腐，绝对可以满足到钟意食芝士嘅人。寿司无可否认比起食放题嘅寿司比较高水准，新鲜，大件，款式多，生和牛入口即溶，火灸和牛香，三文鱼特长，带子赤贝刺身鲜甜。两个人食，埋单$636，价钱同食放题差唔多，但食嘅嘢名贵少少，唔使夹硬食到顶住，都系一个唔错嘅晚餐。