臺茶•薈 (已結業)

好钟意食台式的肉燥饭, 但正宗又好味的在香港唔系太多间, 朋友介绍黎呢间食台湾野, 话又平又抵食。一睇张点餐纸, 有超多选择, 真系花多眼乱, 心大心细唔知食乜好。我都系点左我既至爱, 台湾肉燥饭, 份量适中, 除左满满的肉燥外, 仲有粒粒鲁肉。粒粒鲁肉都立立令, 肥瘦适中。呢碗肉燥饭, 绝对系𩠌多过饭, 我最怕就系少肉燥, 食到最尾只有白饭, 唔够喉, 呢碗真系岩岩好。朋友点左红烧牛肉面, 材料丰富, 除了有红烧牛肉, 仲配有牛展, 老水旦, 白萝卜。另外仲点左两款小食, 盐酥鸡扒, 上台时已经系切开左件装, 好松脆, 好好食。炸蚝饼, 唔太油, 咬落啖啖都系蚝仔, 好正。餐厅内格局虽然有d似茶餐厅, 但可以食到又平又好味既台式食物, 真的唔错。