椰林越南菜館 (已結業)

真系忍唔住！未埋单都要拿拿林上黎留言！以前食过几次都觉得OK，年几冇黎之后真系唔会再黎⋯我叫左香茅猪肉捞檬，檬粉超级多，肉超级少，少都唔紧要，仲要超咸！粉净系得葱同一两条萝卜丝同菜丝，同出面果D真系差好远！粉仲要劲硬，冇支酸汁真系整唔散！支酸汁又冇咩味，好淡！男朋友叫左香茅牛肉饭，劲多油，洋葱超大堆，又唔熟，仲差过廿蚊碟果D快餐。牛油鸡翼虽然细只，味道还可以，不过唔脆。中年女侍应态度差，成个落单牌跌落人地到都冇一句唔好意思！不过后生男侍应就好有礼貌，good！唯一可赞系特饮唔洗加$，又有小食，仲有⋯唔洗等位！今次真系失望到极点！