萬發海鮮火鍋菜館

营业中

休息中

以前食呢间嘢，觉得好好食又够镬气。但系今日同班旧同事麻甩之夜实在相当失望。首先前菜个猪手，我觉得似煲汤猪手点豉油。个椒盐鱿鱼须粉薄肉厚但无味。个姜葱蚝，啲味完全入唔到只蚝里边，好清楚食到出边层浆粉有味里面只蚝无鲜味。个羊腩煲真系唔想讲，自己炆嘅话都有层次过佢。个蒜蓉开边虾$28両，很相个度系一斤woo~啲肉都仲有少少梅，俾呢啲货色，佢真系赚得好尽。小炒王啲腰果系Lam嘅，可能喺厨房做咗吸湿大笨象好耐。个炸大肠，唔知系咪想僻味，个底味腌到死喊。烧腩仔啲皮好似隔夜咁淋，同埋肥膏多个肉，唔好话我屈睇相就见到。比较正常少少系最后叫个麻辣脆豆腐同埋青岛啤酒。啲质素咁差都全场爆满，可唔可以话俾我听呢间野吸引力喺边度？仲要个啲冷气开到好似雪房咁冻，我真系戥你老细条电费数担心。