影片
更多
2008-06-18
14 浏览
昨午同个小朋友'腥D'去tea, 谂住揾个地方可以坐得舒服啲, 耐啲, 同呢个小朋都几啱倾, 另外又要等大忙人'糟狗'从大埔出嚟, 所以预咗会坐耐啲, 仲有瘦身成功既呢位小朋友就想食吓雪糕, 综合各种原因, 这里算是最适合既地方!去到被安排坐喺最尾既卡位, 喜欢柄埋的我心谂: 正!小朋友点咗个华夫tea set, 有4块华夫上面洒咗啲绿茶粉的, 1球绿茶雪糕, 1堆红豆酱, 1堆cream同1啲生果.我试咗1块华夫加啲红豆酱. 红豆酱不太甜, ok的. 但块华夫就令人失望, 冻嘅, 1啲温度都冇. 依我推断, 佢唔单止死咗, 仲要系死咗一段时间𠮶只! 虽知食死咗既华夫同食唔系新鲜滚热辣既夹饼一样, 学黄兴贵话斋, 呢碟嘢放得入雪柜喇! 跟餐的咖啡, 小朋友话一向都不错的.小弟柯打了一杯热南瓜鲜奶, 上面有层cream的, 味道不错, 但未加一都收31.8蚊, 有此质数也是应该的.过了个几2个钟后, '糟狗'终于来到了! 佢点咗个此店成名之作蕃薯配软雪糕, 由于当时大家投入地倾计, 故无特别去关心呢个蕃薯既感受, 但'糟狗'亦冇乜特别评价, 故我想呢个甜品既水准应一如以往吧!讲到服务,
仲有瘦身成功既呢位小朋友就想食吓雪糕, 综合各种原因, 这里算是最适合既地方!
去到被安排坐喺最尾既卡位, 喜欢柄埋的我心谂: 正!
小朋友点咗个华夫tea set, 有4块华夫上面洒咗啲绿茶粉的, 1球绿茶雪糕, 1堆红豆酱, 1堆cream同1啲生果.
我试咗1块华夫加啲红豆酱. 红豆酱不太甜, ok的. 但块华夫就令人失望, 冻嘅, 1啲温度都冇. 依我推断, 佢唔单止死咗, 仲要系死咗一段时间𠮶只! 虽知食死咗既华夫同食唔系新鲜滚热辣既夹饼一样, 学黄兴贵话斋, 呢碟嘢放得入雪柜喇!
跟餐的咖啡, 小朋友话一向都不错的.
小弟柯打了一杯热南瓜鲜奶, 上面有层cream的, 味道不错, 但未加一都收31.8蚊, 有此质数也是应该的.
过了个几2个钟后, '糟狗'终于来到了! 佢点咗个此店成名之作蕃薯配软雪糕, 由于当时大家投入地倾计, 故无特别去关心呢个蕃薯既感受, 但'糟狗'亦冇乜特别评价, 故我想呢个甜品既水准应一如以往吧!
讲到服务, 又几好啵, 我哋由4点坐到7点几, 食嘢又唔系多, 啲服务员都好贴心地不断帮我哋加茶, 我哋既茶杯喺呢几粒钟里面系未空过既! 小朋友厕所都去2次喇, 犀利啩!
但衰在店内无厕所, 要去隔离商场嘅, 好麻烦, 所以只能俾3分.
仲有个冷气超级劲冻, 小弟有好长时间成为半人半鸡, 身上人皮鸡皮各占一半. 所以就算华夫冻死咗, 我都冇话过佢潺仔, 最多怪佢适应力差, 唔似得香港人咁.
呢次笑面我会俾, 但大部份原因系服务喇, 3个人食咗百零蚊但坐咗成3个几钟, 都冇俾人催过, 仲猛咁加茶, 这班年青服务员系抵俾我笑既!
张贴
