影片
更多
2012-06-30
79 浏览
拎住张SOGO嘅$100现金券，买唔到咩衫裤鞋袜，就不如去佢个祟光超市里面个美食广场食咗佢算咯。因为撞正祟光啲折扣日，祟光超市逼满人，排队俾钱嘅更大排长龙，搞到个美食广场感觉更挤拥。所以，都无乜心情逐间逐间食店慢慢睇、慢慢研究食咩好，只系随意拣来「秀吉」。$100揸手，自不然食尽佢。除4款便当，主打食物仲有日式烧饼、奄列炒面、𫠒鱼烧。先拣一款最贵嘅便当「鳗鱼炸鸡肉丼」，加多一份「烧饼炒面八爪鱼球」，要多两个大判烧拎走当下午茶，应该差唔多近$100，点知依日折扣日，连食店都有九折，所以，可以叫多罐Zero可乐！鳗鱼炸鸡肉丼 $52便当一共有4款：鳗鱼炸鸡肉 $52、杂锦烧饼 $45、杂锦鸡串炒面 $38同猪颈肉炒面 $38，每款都配绿茶一杯，图文并茂之余，有晒实物模型做参考，而出嚟个便当跟个样板又唔差得远㖞。讲番个便当，首先就系几足秤，无论饭呀，𩠌呀，都堆得满满，可谓份量十足。便当有齐鳗鱼、炸鸡粒、炸鸡捧、香肠、蟹柳、炸豆腐、辣泡菜同野菜，阵容鼎盛。不过味道就不过不失，除鳗鱼食落油润甘香之外（可惜只有两件仔），其他𩠌料就比较平庸，属快餐级质素。烧饼炒面八爪鱼球 $36日式烧饼、奄列炒面、
$100揸手，自不然食尽佢。除4款便当，主打食物仲有日式烧饼、奄列炒面、𫠒鱼烧。先拣一款最贵嘅便当「鳗鱼炸鸡肉丼」，加多一份「烧饼炒面八爪鱼球」，要多两个大判烧拎走当下午茶，应该差唔多近$100，点知依日折扣日，连食店都有九折，所以，可以叫多罐Zero可乐！
鳗鱼炸鸡肉丼 $52便当一共有4款：鳗鱼炸鸡肉 $52、杂锦烧饼 $45、杂锦鸡串炒面 $38同猪颈肉炒面 $38，每款都配绿茶一杯，图文并茂之余，有晒实物模型做参考，而出嚟个便当跟个样板又唔差得远㖞。
讲番个便当，首先就系几足秤，无论饭呀，𩠌呀，都堆得满满，可谓份量十足。便当有齐鳗鱼、炸鸡粒、炸鸡捧、香肠、蟹柳、炸豆腐、辣泡菜同野菜，阵容鼎盛。不过味道就不过不失，除鳗鱼食落油润甘香之外（可惜只有两件仔），其他𩠌料就比较平庸，属快餐级质素。
烧饼炒面八爪鱼球 $36日式烧饼、奄列炒面、八爪鱼球有多款指定配搭，共有6款A-F，唔算贵都系$25-$36。我哋又系拣个最贵嘅，有齐烧饼、炒面、八爪鱼球。
烧饼，主要都系薯仔丝同啲粉浆，胜在个汁酱好味，再唧上沙律酱，酸酸辣辣，几惹味。配上木鱼碎，面头有块烟肉，都算唔错；而炒面呢，加入椰菜、甘笋片、猪肉片同炒，可能系炒定晒，所以入口只系微暖，而且亦较为油腻；八爪鱼球就最唔得，厚粉，有啲熟唔透嘅感觉，八爪鱼韧过擦纸胶，都几失望。
大判烧 $7味道有红豆、吉士或鸳鸯，外卖咗两个拎走，所以每款一个。因为拎返屋企当下午茶食，所以食嘅时间已经系事隔都两、三个钟头之后嘅事，始终无新鲜热辣即食咁好，但烧饼外层依然好松软，无论红豆或吉士，都落得唔手软，薄薄外皮内里填满馅料。味道方面，红豆稍胜吉士，红豆味道较为清甜；吉士则蛋香不强，亦因为摊冻咗变得无咁滑。
张贴
