秀吉 (已結業)

下午三點三在尖沙咀有事要辦，事前不想吃得太多，亦無心情吃，來到SOGO Food Court，左看看右看看，決定買一份燒餅＋炒麵，價錢實惠，但不包括飲料。燒餅的味道幾好，甜甜地，賣相也吸引，熱辣辣沒有煎燶，這個餅基本上很素，除了我喜歡的木魚絲，沙律醬的味道亦ＯＫ。炒麵相對很普通，口感有點油膩，麵條不夠柔軟，不好吃，幸好有紅薑，才可以多吃幾口，但最後仍然吃剩很多。

拎住張SOGO嘅$100現金券，買唔到咩衫褲鞋襪，就不如去佢個祟光超市裡面個美食廣場食咗佢算咯。因為撞正祟光啲折扣日，祟光超市逼滿人，排隊俾錢嘅更大排長龍，搞到個美食廣場感覺更擠擁。所以，都無乜心情逐間逐間食店慢慢睇、慢慢研究食咩好，只係隨意揀來「秀吉」。$100揸手，自不然食盡佢。除4款便當，主打食物仲有日式燒餅、奄列炒麵、鱆魚燒。先揀一款最貴嘅便當「鰻魚炸雞肉丼」，加多一份「燒餅炒麵八爪魚球」，要多兩個大判燒拎走當下午茶，應該差唔多近$100，點知依日折扣日，連食店都有九折，所以，可以叫多罐Zero可樂！鰻魚炸雞肉丼 $52便當一共有4款：鰻魚炸雞肉 $52、雜錦燒餅 $45、雜錦雞串炒麵 $38同豬頸肉炒麵 $38，每款都配綠茶一杯，圖文並茂之餘，有晒實物模型做參考，而出嚟個便當跟個樣板又唔差得遠喎。講番個便當，首先就係幾足秤，無論飯呀，餸呀，都堆得滿滿，可謂份量十足。便當有齊鰻魚、炸雞粒、炸雞捧、香腸、蟹柳、炸豆腐、辣泡菜同野菜，陣容鼎盛。不過味道就不過不失，除鰻魚食落油潤甘香之外（可惜只有兩件仔），其他餸料就比較平庸，屬快餐級質素。燒餅炒麵八爪魚球 $36日式燒餅、奄列炒麵、

太太選了這個餐，一塊燒餅和六粒鱆魚燒，燒餅的或許已弄好一半，因為在廚窗所見，看見幾個未燒的餅已整齊的叠在一起，可能客人一叫，他們便會在鐵板上燒，這樣可以省卻不少時間，在這類食肆也不能要求慢工出細貨了。起碼是熱的，吃下去也可以接受，外脆而內裏配料也豐富，加上燒汁，也可以一試。太太就讚鱆魚燒，說很好吃，也是熱辣辣的，吃在口中仍是燙口，又不覺得只是吃著一團粉，裏面的鬆軟和鱆魚十分配合。這個算是這晚所吃的最好了。

因為到SOGO逛店，餓了順便在此解決吃飯問題。在小時候，常與同學到此吃東西，這間店也有好些年沒有來，藉此機會，久違的吃吃這間。奄列炒麵先吃了一口蛋皮，先不說薄，口感很乾。而內里的炒面則有點過咸，必須配著蛋皮進口。吃了幾口竟見這麼大塊的豬肉，感到有點不可思義，本以為只有菜。來這吃只為回憶小時候，雖然與記憶中的味道，有點走樣，但在通脹下價格沒有大上漲，也算是安慰了。

今天中午又要陪個大陸客戶來逛SOGO, 用的著的都很舍得花錢, 吃的就求浗其其就可以了, 看來中國人都很愛面子, 為節省逛街的時間非常熟路的帶我到地庫去開餐, 不久前我才一個人在這吃了很差勁的魚蛋粉, 曆曆在目, 這次保險的選了日本便當, 吃完不得不大叫一聲意外, 雞肉很嫩, 燒醬汁雖然有點過甜但能帶出雞肉的鮮味, 米飯一粒一粒很有日本珍珠米的FEEL, 上面加了些芝麻, 又真是滿有心思的, 看來日本餐在香港都有不錯水準喔.

燒餅套餐A (燒餅+炒麵)以前好鍾意係cb sogo間秀吉食炸薯餅，因為咁，次次都只會買薯餅。黎到tst sogo foodcourt 無野想食，見係秀吉自然想揀呢間多d啦，而且又有唔少人食緊。八爪魚丸無興趣，一於試下最平既套餐A啦。剛落單都未找錢，另一個店員已經俾成個餐盤我。真係快到哩...心都涼了一半，希望d食物唔好放左一段時間凍冰冰啦。燒餅睇落幾大幾厚，但入面除左椰菜就好似無其他料，面頭既燒汁好咸，食完真係狂飲水。炒麵份量似乎幾少下，不過落左唔少油，好快就滯。同樣都係有椰菜，少量洋蔥同豬肉。

事緣 SOGO 25 週年減價，約咗友人一齊去血拼護膚品, 化妝品後，唯有平平地係 SOGO 地庫既 food cort 覓食啦。見到秀吉有蛋包麵食，又記起前排去台灣食過蛋包飯，即時決定揀呢間啦﹗我當然就揀蛋包麵，淨食蛋包麵就好似 $20 左右，但係見有套餐連埋章魚丸，咁又可以當小食同朋友 share 都係$30 左右。抵﹗朋友就肚餓 d，揀咗個飽肚 d 既雞翼便當，都係 $30左右。由於當時仲係 慶祝 SOGO 25 週年，所以全部有九折﹗ 蛋包炒麵拼章魚丸： 我地係收銀台剛落完 order，個姐姐就即刻係後面可以成份拿俾我，心想乜咁有快餐feel 既，拿到埋位，一掀開塊蛋，原來只係一塊薄薄既蛋鋪係 d 炒麵上面，都唔係 d 蛋包住個麵既。 放入口之後，仲要係涼咗既，俾我之前番熱一下都好應該卦，至於味道，就好似去食車仔麵檔既炒麵咁囉。 到個章魚丸啦，嘩﹗超厚粉架，雖然都仲食到有八爪魚粒係入面，但係好滯囉。 朋友既雞翼便當， 朋友話隻雞翼都算 ok 既，其他就好一般喇，食得落口，不過勝在夠飽肚。哈哈哈…總括黎講，下次再去 SOGO 都唔會再揀呢間食，會試吓其他先，不過係尖沙咀食餐晚飯

這店子的日式便當水準不錯，今日食咗個燒鯖魚便當。個鯖魚幾肥美，而且份量很足夠，個魚皮仲煎到有少少脆的，挺惹味。配菜包括：沙律、兩小份漬物等。另外，仲有一個麵豉湯，是一般水準吧，唔要麵豉湯亦可以選擇綠茶。做緊優惠係80元選二款，好似大概有十款。 環境係一般的food court style, 食物當然要自己捧，坐的是木椅子，不過通常都無得俟(背靠)。另外，順帶一提，呢度多用即棄餐具，不太環保，如果可以用可再用的餐具，會加分，不過，大前提當然係要乾乾淨淨啦。

上次試了燒豬頸肉雜錦拼盤，味道不錯、賣相不俗、也製作得幾精緻所以今次再來試一試另一款雜錦拼盤------燒雞翼，當然是有所期望地點了這份餐吧燒雞翼是這份拼盤的主角，但其味道就不外如是燒得不是甚麼的香，平平無奇用日本豉油炒的炒麵，則沒有令我失望遠可是，這份拼盤所配的白飯，就真的是平白的白飯，有別於上次燒豬頸肉拼盤的日式飯團了其餘的日式餃子、日式魚蛋串、燒內片，味道不差，但不足以令我覺得驚喜也許懷了一份過高的期望，吃完後感到少許失望或者燒豬頸肉雜錦拼盤比較適合我的口味吧！無論如何，三十元一份的精緻拼盤，還算是抵食的

日式的便當，其地位等同香港吃的飯盒，不計味道，相比之下，其賣相就給人一種「精緻」的感覺。途經尖沙咀崇光地庫的美食廣場，原本只想吃一點小吃作充飢，見到以售賣炒麵、燒餅和八爪魚丸子的攤位「秀吉」，原來也有便當出售，記憶中其他分號是沒有供應的，四種款式，售價由四十餘元至三十元不等。點了一個豬頸肉炒麵的款式，三十元的交易，其內裡的食品不算少，除炒麵之外，有煎餃子、泡菜一堆、飯糰一個、雞肉造的棒子和炸雞六至七件............等，始終是快餐食品，要求也不能太高，雞肉棒子和炸雞塊沒甚味道，勝在香口，餃子是淋的，飯糰不似是珍珠米，味道較淡，用泡菜送食卻是一個好配搭。主角的豬頸肉炒麵倒算不俗，熱度十分充足，炒麵是日式超市常見那種，用上帶甜的醬油炒製，除了略嫌為油膩之外，總算吃出其香與味，加上一件爽嫩的豬頸肉，每樣都吃一點，其實已甚為飽足。食物來說，極其量是吃所謂的「junk food」而已，但卻是出奇地滿足。

十二月中旬‧晴很少吃日式燒餅，因為當你在日本吃過當地的同類型食物後，很難在香港吃得到滿意的，情況就尤如鯛魚燒。是日試了這裡的燒餅，也有如此的感覺。要了個吉士餡的，拿上手是熱辣辣。搣開一看，吉士餡夠多，也夠香甜。不過最大的問題就是外皮濕濕軟軟的，很不對頭。7蚊一件，也不值一試。

在SOGO的food court內選擇食物，見其店外的陳列品賣相幾吸引，而且價值不貴，於是就叫了一客日式雜錦拼盤先論雜錦拼盤的賣相，食物全擺放在日式小全盒內，好一幅日式風味加上各款食物的份量唔算多，弄得幾精巧細緻食物的款式也有很多，分別有日式炒麵、飯團、炸雞球、日式炸餃子、獅子卷、燒豬頸肉等，而且奉送熱茶一杯單論賣相、外表，既搶眼吸引之餘，三十元的售價也令食客感覺一次過吃下多款食物，十分抵食不消一回，就把盤內的食物吃光，皆因質素頗佳，令人垂涎三尺簡評如下︰日式炒麵︰用日本豉油炒的炒麵，有別於中式的豉油王炒麵的咸與油膩。吃起來既帶點適中的甜味，又不油膩，更帶少許爽口。正！飯團︰用日本米包成的飯團，香綿煙韌。儘管飯團內沒有涵料，只是白飯團一個，但口感仍佳，毫不感清寡。這實在是傳統日式上乘的飯團呢！炸雞球︰炸得幾香脆可口，而不油膩日式炸餃子︰餃子皮適中，不太薄也不太厚，但餃子內的菜肉涵則只是混埋一團似的，口感鮮味不足 燒豬頸肉︰燒得唔錯吧整體來說，這份是幾地道的日本料理弄得精巧細故，食物款式多，份量也足夠，用料更是不俗雖然未至於盤內所有食物均屬上佳之作，但以三十元的價格而言，實在是超值之選返

sogo on sale，企圖stimulate香港經濟，我這類敗家精真的滿載而歸後，就來填填肚子。見到有紅豆燒餅，就立即來一個，始終有份情意結。是pre-made的，但上手仍是暖暖的，皮頗為軟身，內裡的紅豆餡下得重手，基本上沒有什麼可挑剔的地方，即是整體也就是普普通通，沒有特別impress我。7蚊一件，算抵吃。講真，寫大判燒這類小吃，我可是很主觀的，因為我對燒餅的要求實在不高，但求餡靚就夠，所以很少地方達不到我的要求，喊面就更是未比過。

嘿嘿嘿~~~同男朋友係埋一齊7個月呢~~雖然唔係好長，但係值得慶祝下。為左慶祝下，男朋友提議左＂尖沙咀一日遊＂，我覺得正確黎講係＂尖沙咀狂飲狂食一日遊＂先岩好！！入正題！！！第一站我地第一站就係依間食日本小食o既秀吉喇！我一直都好鍾情於＂和民＂o既日式燒餅，但係男朋友竟然無食過今日一見到有個＂章魚小丸子 + 日式燒餅＂，我又未食早餐，鬼死咁肚餓，男朋友就叫左個番黎喇。一見到個餐，我就呆左！！！！個日式燒餅咁細o既！！係＂和民＂一半o既份量....咁o既價錢...真係唔係好抵...章魚小丸子 + 日式燒餅 （＄３８）：個餐有6粒章魚小丸子，加一塊大約似＂一隻女仔手掌＂大細o既燒餅。我自己呢，就無咩試過其他店鋪o既章魚小丸子，男友話依間o既唔好味，我自己就覺得粒野唔熱，剩係有小小暖暖地，如果熱食應該會好好多。噢噢噢..到試我好愛o既日本燒餅喇！！！我要俾好多個喊樣佢呀我之前食o既燒餅唔係咁o既味咖！！佢好似剩係用面粉加蛋咁整左塊餅咁....入面又無料喎，仲有呀！！！上面Ｄ醬好咸男朋友話食唔到咩味，剩係食到Ｄ醬味我之前同男朋友講到燒餅有幾咁好味，但係第一次同佢食，就俾個咁o既印象佢我唔理

行行下sogo想食d 野....行o左round....無咩o岩口味....最後決定食個吉士大判燒同咖哩薯餅......吉士大判燒:唔係即叫唔整....係預先整好....叫o左就夾俾你.... 凍冰冰好灰 吉士味道ok ge..不過凍冰冰.... d吉士幾好味都補唔番la.....咖哩薯餅: 又係預先整好.....諗住都會暖暖地.....或者係咁意都會炸番熱掛..... 點知2樣都唔係......又係凍ge..... 仲要好油.......