大力棒棒麻辣雞煲 (已結業)

用$1优惠食咗皇帝麻辣鸡煲，无因为$1个而乱来！原来啲鸡起哂骨所以叫皇帝鸡。用嘅系新鲜鸡，肉质鲜甜嫩滑，有黄油，又香又弹牙。啲汁明显无咁杰，味无咁浓，食到麻辣之余又食到鸡味，难得！最怕故意用浓汁浓味去遮啲雪鸡味。食完鸡梗要加汤打边炉！叫咗：本地牛颈脊，入口牛味大满足，有咬口，越咬越有甘甜汁出来，又无渣，我觉得比和牛好食啲！牛胸油，经理大力推介！听讲一只牛得几两，好罕有。以为好肥啦！原来一啲都唔肥，轻轻拖几下，入口超爽脆，好浓嘅牛味但似食紧蚌。花甲公，原来同花甲系2回事，大只好多，无沙之余清甜到爆炸。花竹虾，肉质扎实又鲜甜，一分$一分货，海虾完全无得挥！因为生日仲有个寿司旦糕送！真材实料仲好好味！环境舒服，新开未忙，慢慢坐都无催住走！露台仲有炭炉打边炉！冬天一定要坐露台位。