葫蘆館 (已結業)

去观塘食完晚饭行落牛头角 ，谂住食埋糖水就返屋企。刚好有间几出名嘅糖水舖喺附近， 虽然系出名食姜汁撞奶。不过其实仲有好多款甜品㗎，所以我拣咗一个牛奶芋圆西米露， 睇下系咪真系咁出色先。 牛奶芋圆西米露 $41冬天最好食热野暖下个胃， 所以我嗌咗碗热嘅。而佢上到嚟嘅时候真系好暖笠笠， 乳白色嘅牛奶 发出好香牛奶味，而且芋圆分量都好多，同埋西米露。 虽然闻落有好香牛奶味但食落去 ，又唔系话好劲牛奶味，所以唔会好甜。个甜味完全来自于芋圆，加上因为系热食嘅关系啲芋圆变得好软熟，食落去好似汤圆咁，好特别。