影片
更多
2008-06-27
17 浏览
早几日心情烂透, 放监后一定要揾d野做减下压先得, 而其中一个最好嘅减压方法莫过于大吃一餐, 于是师傅决定揾间从未试过而又好味嘅食店, 最后决定黎呢间!由于事出突然, 所以冇订位, 一于去碰碰运气啦! 入到餐厅, 侍应招呼入座, 两个人坐底后即刻睇下有咩好食, 呢间餐厅一向以三文鱼做主打, 所以食物点少得三文鱼呢? 商量左一阵最后柯打左烟三文鱼沙律, 法式焗田螺, 吉列小食拼盘同埋晚餐黑椒牛柳伴香煎法国鹅肝, 跟餐汤, 甜品同餐饮, 而餐汤就要左泡沫烟三文鱼忌廉汤!最先登场系一篮法包, 有牛油同三文鱼酱可以配法包一齐食, 三文鱼酱系几好味, 不过腥左少少, 而法包相当松软, 十分好味; 再试下个泡沫烟三文鱼忌廉汤, 卖相相当别致, 三文鱼粒都几多, 不过一d都唔腥, 而忌廉汤亦非常好味, 好正; 接住落黎再试下个头盘烟三文鱼沙律, 烟三文鱼沙律有五件烟三文鱼卷成一旧, 烟三文鱼烟得好香, 而且好大件下, 都几抵食, 不过就食得多就有少少腻, 而沙律由蔬菜组成, 蔬菜好清爽系d芽菜比较腥, 不过配埋施撒汁相当开胃, 可以!法式焗田螺一客有六只, 田螺焗得好香, 而且好腍好松, 味道唔错,
由于事出突然, 所以冇订位, 一于去碰碰运气啦! 入到餐厅, 侍应招呼入座, 两个人坐底后即刻睇下有咩好食, 呢间餐厅一向以三文鱼做主打, 所以食物点少得三文鱼呢? 商量左一阵最后柯打左烟三文鱼沙律, 法式焗田螺, 吉列小食拼盘同埋晚餐黑椒牛柳伴香煎法国鹅肝, 跟餐汤, 甜品同餐饮, 而餐汤就要左泡沫烟三文鱼忌廉汤!
最先登场系一篮法包, 有牛油同三文鱼酱可以配法包一齐食, 三文鱼酱系几好味, 不过腥左少少, 而法包相当松软, 十分好味; 再试下个泡沫烟三文鱼忌廉汤, 卖相相当别致, 三文鱼粒都几多, 不过一d都唔腥, 而忌廉汤亦非常好味, 好正; 接住落黎再试下个头盘烟三文鱼沙律, 烟三文鱼沙律有五件烟三文鱼卷成一旧, 烟三文鱼烟得好香, 而且好大件下, 都几抵食, 不过就食得多就有少少腻, 而沙律由蔬菜组成, 蔬菜好清爽系d芽菜比较腥, 不过配埋施撒汁相当开胃, 可以!
法式焗田螺一客有六只, 田螺焗得好香, 而且好腍好松, 味道唔错, 再试埋件碟嘅焗薯蓉, 薯蓉相当香口, 好好味; 吉列小食拼盘有炸鱿鱼须, 炸鱼手指, 炸鸡柳同炸薯条, 炸鱿鱼须炸得好松好脆, 炸粉唔厚, 劲好味; 炸鱼手指有d揾笨, 一d都唔系鱼手指, 系炸鱼块, 不过鱼块好松软同埋唔腥, 几好; 炸鸡柳亦都炸得好香脆, 一d都唔干身, 点少少烧烤酱一齐食, 确实惹味; 炸薯条就普普通通, 冇咩特别!
黑椒牛柳伴香煎法国鹅肝, 黑椒牛柳要左五成熟, 黑椒汁好香仲有少少辣, 牛柳肉汁够加上好松身, 咬落好香好有口感, 好掂; 而鹅肝就煎得啱啱好, 不过鹅肝唔算最靓但亦不差, 不能做到入口即溶, 但亦未至于有老同干嘅口感, 都勉强可以! 冻柠茶柠檬太少, 所以杯茶就麻麻, 而甜品因为师傅已经好饱, 所以冇试到!
总括黎讲食物质素相当之好, 服务态度亦十分有礼, 环境都几舒服, 但价钱唔算贵, 食咁多野埋单都系三百几, 有咁好嘅质素著实抵食; 师傅食完一餐咁丰富嘅晚餐后, 心情亦都即时靓番晒, 大吃一餐果然有效; 有机会一定会再黎, 绝对食得过, 笑脸绝得值得比!
张贴
