影片
更多
2018-11-17
248 浏览
Blue Monday又要OT，放左工落去酒吧放松吓。 拣左呢门旺角区但又有啲隐闭Mini Club。入到嚟环境好relax，播放住轻快音乐。 星期一应该一般较少客，估唔到又几旺场㖞。餐牌系用平板电脑睇，翻到一页见到好有特色嘅甜品⋯噢，原来系cocktail嚟。朋友见到即刻双眼发光，又可以影相放上IG呃like啦！ 朋友叫咗【Honey Bee (Grand Marnier, Advocaat, Baileys, Pineapple juice)】小木盘上摆咗一个蜜糖瓷罂，入面装住沙冰状态嘅鸡尾酒。 旁边嘅细樽仔入面有蜜糖，上面有两块甜饼干同两只可爱小蜜蜂(朱古力嚟架)。 可以搽蜜糖食饼干又得，放入鸡尾酒调味又得。 鸡尾酒味道都香甜，易入口；咁鬼打耳，好啱女仔饮。我自己就拣咗杯Mocktail【Nights Cape (Mango Syrup, Apple juice, Butterfly pea, Lemon Juice)】，用修长嘅酒杯装住紫色嘅果汁，好似一位著住晚装嘅淑女咁，好高雅。最底黄色嘅系芒果糖浆，捞埋先饮，味道适中唔会过甜。饮咗一阵就叫嘢食啦。【海鲜拼盘】六款海款用冰镇住
入到嚟环境好relax，播放住轻快音乐。 星期一应该一般较少客，估唔到又几旺场㖞。
餐牌系用平板电脑睇，翻到一页见到好有特色嘅甜品⋯噢，原来系cocktail嚟。朋友见到即刻双眼发光，又可以影相放上IG呃like啦！
朋友叫咗【Honey Bee (Grand Marnier, Advocaat, Baileys, Pineapple juice)】小木盘上摆咗一个蜜糖瓷罂，入面装住沙冰状态嘅鸡尾酒。 旁边嘅细樽仔入面有蜜糖，上面有两块甜饼干同两只可爱小蜜蜂(朱古力嚟架)。 可以搽蜜糖食饼干又得，放入鸡尾酒调味又得。 鸡尾酒味道都香甜，易入口；咁鬼打耳，好啱女仔饮。
我自己就拣咗杯Mocktail【Nights Cape (Mango Syrup, Apple juice, Butterfly pea, Lemon Juice)】，用修长嘅酒杯装住紫色嘅果汁，好似一位著住晚装嘅淑女咁，好高雅。最底黄色嘅系芒果糖浆，捞埋先饮，味道适中唔会过甜。
饮咗一阵就叫嘢食啦。
【海鲜拼盘】六款海款用冰镇住，每款食落都够新鲜。 半只龙虾有好多膏，高质。
【狂野摩天轮】 五款炸物，每款都系即炸，够晒热辣辣。
【韩式酱烧安格斯牛柳粒】食落份量都几多吓，牛柳粒有啲都几多脂肪，味道OK，点咗韩式酱会更惹味。
【火焰西班牙黑毛猪鞍扒(冲绳塩麹)】店员先喺酒上面点火再倒落块猪鞍扒度，当然唔止系为咗俾我哋拍片呃like啦。酒香加烧出嚟嘅焦香味，加上上面嘅冲绳塩麹同百里香令猪鞍肉更香口。 肉质软腍，不过我觉得稍为咸咗少少，但蘸一蘸配搭左嘅两款酱嚟食，减低咸味之余味道又几夹。
虽然呢度系酒吧，但食物水准都相当唔错。 而且走清吧路线，唔会有大大声嘅跳舞音乐，好多后生仔女嚟帮衬，就算唔饮酒嚟食嘢都系一个好好嘅选择。
张贴
